«Սևան» հոգեկան առողջության կենտրոնի պացիենտները հավաքին չեն մասնակցել          Տեսանյութ.«Հայաստան» դաշինքի եզրափակիչ հանրահավաքը` Հանրապետության հրապարակում       Տեսանյութ.18 հազար ադրբեջանցի ենք ոչնչացրել, բայց պարտություն կրեցինք, չենք կարողացել նյութականացնել մեր տղաների հերոսությունը    

25 հուլ 2020 13:15

Վարժական հավաքներ կլինեն. անհրաժեշտություն է առաջացել բարձրացնել պահեստազորայինների մասնագիտական պատրաստվածությունը

Հայաստանում կանցկացվեն պահեստազորի վարժական հավաքներ: ՀՀ կառավարությանն այս առաջարկով դիմել է ՀՀ պաշտպանության նախարարությունը:

Կառավարության համապատասխան որոշման նախագիծը ներկայացվել է հանրային քննարկման՝ Իրավական ակտերի հրապարակման միասնական կայքում:

Հրապարակված նախագծի համաձայն` նախատեսվում է պահեստազորի առաջին խմբի առաջին կարգում հաշվառված շարքային, ենթասպայական և սպայական կազմերի պահեստազորայինների վարժական հավաքներ հայտարարել երեք ամիս ժամկետով՝ սեպտեմբերի 15-ից դեկտեմբերի 15-ը:
Ներկայացնելով պահեստազորի հավաքի անհրաժեշտությունը՝ պաշտպանության նախարարությունը հետևյալ հիմնավորումն է ներկայացնում. «Վերջին տարիներին ՀՀ զինված ուժերը համալրվել են նոր սպառազինությամբ ու ռազմական տեխնիկայով, անհրաժեշտություն է պահեստազորայինների մասնագիտական պատրաստվածության որակի բարձրացումը` պահեստազորում կուտակելով համապատասխան զինվորական հաշվառման մասնագիտություն ունեցող պահեստազորայիններ: Բացի այդ, անհրաժեշտ է, որպեսզի զինված ուժերում ունենանք մարտունակ ստորաբաժանումներ` համալրված բարձր մասնագիտական պատրաստվածությամբ և ռազմաուսուցված պահեստազորայիններով»:


Ընդ որում` տարբեր մասնագիտացում ունեցող պահեստազորայինների համար տարբեր ժամանակահատվածներ են սահմանվել, ինչի արդյունքում յուրաքանչյուր խմբի զորահավաք-վարժանքը կտևի շուրջ 10 օր:


Վարժական հավաքներին նախատեսվում է ներգրավել ընդհանուր 786 քաղաքացու, որոնցից 524–ը` շարքային, 82-ը` ենթասպայական, 180-ը` սպայական կազմից:


 





Մեկնաբանություններ

Համընկնող լուրեր