Տեսանյութ.«Հայաստան» դաշինքի եզրափակիչ հանրահավաքը` Հանրապետության հրապարակում          Տեսանյութ.18 հազար ադրբեջանցի ենք ոչնչացրել, բայց պարտություն կրեցինք, չենք կարողացել նյութականացնել մեր տղաների հերոսությունը       Տեսանյութ. Մեզ համար սա ոչ թե ընտրապայքար է, այլ պետությունը փրկելու հատուկ օպերացիա    

25 հուլ 2020 16:58

Մոսկվայի «Ֆուդ սիթիի» սեփականատերերը նահանջո՞ւմ են.Շուկայի սեփականատերերը պահպանելու են հավասարության սկզբունքը՝ անկախ ազգությունից

«Киевская площадь» ընկերությունների խմբի (որի կազմում է նաև «Ֆուդ սիթի» շուկան) սեփականատերերը խմբի բոլոր կառույցներում պահպանելու են հավասարության սկզբունքը՝ անկախ ազգությունից։ Այդ մասին ասվում է տնօրենների խորհրդի նախագահ Գոդ Նիսանովի հայտարարության մեջ, որը տարածել է «Киевская площадь»-ի մամուլի ծառայությունը։

«Ֆուդ սիթիի» շուրջ սկանդալ ծագեց, երբ որոշեց մեծածախ շուկայի տարածք չթողնել հայկական մթերքով բեռնված բեռնատարները։ «Ֆուդ սիթիի» սեփականատերերը ծագումով ադրբեջանցիներ են, որոնք հայ-ադրբեջանական սահմանի բախումների ֆոնին այդպես էին փորձում աջակցել իրենց պատմական հայրենիքին ։ Սակայն ավելի ուշ հայերին հաջողվեց իրացնել ապրանքները «Бухта» և «Шелковый путь» կենտրոններում, ինչպես նաև Տուլայի առևտրի կենտրոնում։

Հիմա Նիսանովն ասում է, որ իր և «Киевская площадь» ընկերությունների խմբի գործընկերների համար ռուսական օրենսդրության պահպանումը անվիճելի առաջնահերթություն է։

«Երկար տարիների աշխատանքի ընթացքում մեր ընկերությունները մշտապես հոգ են տանում սպառողների, գործընկերների և վարձակալների շահերի մասին՝ անկախ նրանց ազգությունից կամ դավանանքից»,-ասել է նա։

Գործարարը վստահեցրել է, որ «Киевская площадь» ընկերությունների խմբի բաժնետերերն ու ղեկավարները մտադիր են այսուհետ ևս հավատարիմ մնալ այդ սկզբունքներին՝ հատուկ ուշադրություն դարձնելով խմբի օբյեկտներում աշխատող բոլոր անձանց համար առավելագույնս հարմարավետ և անվտանգ պայմանների ստեղծմանը:

Մեկնաբանություններ

Համընկնող լուրեր