Տեսանյութ.ԱՄՆ-ն հայտարարել է, որ Սիրիայում ստեղծված իրավիճակում lՄոսկվայի ու Թեհրանի «ձեռքերն արյունոտ են»
ԱՄՆ-ն Ռուսաստանին և Իրանին մեղադրել է Սիրիայում ստեղծված իրավիճակի համար։ ՄԱԿ-ում ԱՄՆ մշտական ներկայացուցիչ Քելլի Քրաֆթը հայտարարել է, որ մինչ ամերիկացիները միլիարդավոր դոլարներ են ծախսում Սիրիային օգնելու համար, Մոսկվայի ու Թեհրանի «ձեռքերն արյունոտ են»:«Մենք միլիարդավոր դոլարներ ենք ծախսել, օգնելով սիրիացիներին դուրս գալ այն սարսափելի իրավիճակից, որում նրանք հայտնվել էին ռեժիմի(Բաշար Ասադի) պատճառով։ Այդ Ռուսաստանի և Իրանի «ձեռքերն են արյունոտ»,– ասել է ՄԱԿ-ում ԱՄՆ մշտական ներկայացուցիչ Քելլի Քրաֆթը։
Ավելի վաղ ՄԱԿ-ում Ռուսաստանի մշտական ներկայացուցիչ Վասիլի Նեբենզին հայտարարել էր, որ ԱՄՆ-ն շահագործում է սիրիական նավթային հանքավայրերը, և որ Ռուսաստանը բազմիցս բարձրացրել է սիրիական նավթի անօրինական առևտրի թեման։ Բազմաթիվ ապացույցները ներկայացրել են ինչպես Մոսկվան, այնպես էլ Թեհրանը։
Նշենք, որ ԱՄՆ-ն Սիրիային օգնելու համար իրոք հսկայական գումարներ է տրամադրում, միայն թե այդ գումարները ստանում են ոչ թե սովորական սիրիացիները, այլ գրոհայիններն ու ահաբեկիչները, որոնց աջակցում է Վաշինգտոնը։
Մոսկվան և Դամասկոսը բազմիցս ներկայացրել են դրա ապացույցները, ինչպես նաև ապացույցներ, որ ԱՄՆ-ն գողանում է սիրիական նավթը։
