Մահվան ցուցանիշը կարող է կտրուկ աճել.կորոնավիրուսային վարակի 2-րդ ալիքը՝ Մեծ Բրիտանիայում          Բեռնատար ավտոմեքենայի վարորդի ինքնազգացողությունը վատացել է․այրվել է 24 տոննա կարագ       Կարծես թե նվազել են հայ դիրքապահների ուղղությամբ արձակած կրակոցները    

03 օգոս 2020 13:14

Ես դեմ եմ հիստերիային. մարդկությունը կորոնավիրուսից չի մահանա. Ռոշալ

Բժշկական գիտությունների դոկտոր, պրոֆեսոր, ՌԴ Ազգային բժշկական պալատի ղեկավար Լեոնիդ Ռոշալը Forbes-ին տված հարցազրույցում անդրադարձել է կորոնավիրուսային համավարակին՝ նշելով, որ այն ստուգում է  բժշկական, այդ թվում նաև երկրի կենսապաշտպանության համակարգի ամրությունն ու հուսալիությունը:

Ռոշալի համոզմամբ՝ «կորոնավիրուսի համավարակը կենսաբանական պատերազմի նախնական փորձն է»:

«Երբ վերլուծում եմ ստեղծված իրավիճակը, հասկանում եմ, որ այս ամենը կենսաբանական պատերազմի նախնական փորձն է: Ես չեմ ասում, որ վարակը ստեղծվել է մարդու կողմից. նման պնդումների համար բավականաչափ փաստեր չկան, բացի այդ՝ ես վարակաբան չեմ: Սակայն սա ստուգում է առողջապահության համակարգի, այդ թվում՝ երկրի կենսաբանական պաշտպանության հուսալիությունը»,-ասել է բժիշկը:

Ռոշալն ընդգծել է, որ այժմ բոլորի համար ակնհայտ է, որ աշխարհը պատրաստ չէր ոչ միայն համավարակին, այլև համաճարակին. աշխարհի որևէ երկրում համաճարակի գագաթնակետի ժամանակ դիմակների և պաշտպանիչ հագուստի անհրաժեշտ քանակություն չկար:

«Այնուհանդերձ՝ ես դեմ եմ հիստերիային. մարդկությունը կորոնավիրուսից չի մահանա: Այն վերապրել է ջրծաղիկը, խոլերան, ժանտախտը և բազմաթիվ այլ վարակներ»,-ընդգծել է Ռոշալը:

Մեկնաբանություններ

Համընկնող լուրեր