Մահերի թիվը, դիմակը պարտադիր կրելու որոշումից հետո, ավելացել է գրեթե 12 անգամ,կա՞ գեթ մեկ խելացի եւ ուղեղ ունեցող մարդ, որ ասի...
Հիմա այս կառավարության կազմում կա՞ գեթ մեկ խելացի եւ ուղեղ ունեցող մարդ, որ կարող է ինձ եւ մեր քաղաքացիներին համոզել, որ դիմակի կրումը զսպում է համավարակի տարածումը եւ վերջին օրերի թվերի նվազումը կապված է ՀՀ կառավարության հակահամաճարակային «արդյունավետ» ռազմավարության հետ։ Այս մասին ֆեյսբուքյան իր էջում գրել է «Մեկ Հայաստան» կուսակցության համահիմնադիր Արթուր Ղազինյանը։Նա, մասնավորապես, գրել է .
«Մայիսի 25-ից դիմակ կրելը փակ եւ բաց տարածքներում դարձավ պարտադիր։ Այս պարտադիր նորմի ընդունումը պարետը հիմնավորեց համավարակի տարածումը զսպելու եւ կանխելու նպատակով՝ համոզված լինելով, որ դիմակների համատարած կրումը պետք է փրկեր տապալված եւ ձախողված հակահամաճարակային ռազմավարությունը։
Հիմա փորձենք հասկանալ, թե որքանո՞վ է արդյունավետ եղել փակ եւ բաց տարածքներում դիմակի պարտադիր կրելու որոշումը եւ լուծե՞լ է արդյոք առաջադրված խնդիրը։
Այսպես, մայիսի 25-ին, նոր կորոնավիրուսով վարակված է եղել 7402 ՀՀ քաղաքացի։ Իսկ օգոստոսի 28-ի դրությամբ վարակվածների թիվը հասել է 43451-ի։ Այս թվերը պաշտոնական են, իրական վարակվածների թիվը ոչ ոք չգիտի։
Մայիսի 25-ի դրությամբ նոր կորոնավիրուսից մահացածների թիվը կազմում էր 91 մարդ, իսկ օգոստոսի 28-ի դրությամբ մահացածների թիվը հասնում է 1135-ի։ Այս տվյալները պաշտոնական են, իրական մահերի թիվը կպարզվի նախաքննության արդյունքում։
Պարզ թվաբանությունը հուշում է, որ մահերի թիվը, դիմակը պարտադիր կրելու որոշումից հետո, ավելացել է գրեթե 12 անգամ, իսկ վարակակիրների թիվն աճել է գրեթե 7 անգամ։
Հիմա այս կառավարության կազմում կա՞ գեթ մեկ խելացի եւ ուղեղ ունեցող մարդ, որ կարող է ինձ եւ մեր քաղաքացիներին համոզել, որ դիմակի կրումը զսպում է համավարակի տարածումը եւ վերջին օրերի թվերի նվազումը կապված է ՀՀ կառավարության հակահամաճարակային «արդյունավետ» ռազմավարության հետ։
Մնում է հասկանալ, թե այս դիմակամոլությունը ի՞նչ իրական նպատակներ է հետապնդում…»։
