Այնպես ուժեղ էին հարվածում մահակներով, որ շատերը ցավից գոռում եւ արտասվում էին.սահմռկելի տեսանյութ ` ոստիկանական մեքենայի միջից

Դենիս Գերմանովը համոզված էր, որ իր ձերբակալման ժամանակ նկարահանած տեսանյութը եւ տեսախցիկը հաստատ չի վերադարձվի: Բայց երբ ազատվելուց հետո Մինսկի բնակիչը գնացել է մեկուսարան ՝ իրերը վերցնելու, դրանց մեջ նաեւ տեսախցիկն է եղել: Այն միացրել է տանը և վերապրել ոստիկանական մեքենայում տեղի ունեցած սարսափելի պահերը:

Դենիսը լուռ դիտում է կադրերը եւ արտասվում:

«Մահակների ձայնը երբեք չի մոռացվի»,-նշում է երիտասարդը: Նա «համերաշխության շղթա» է կազմել մի խումբ քաղաքացիների հետ, երբ ՕՄՕՆ-ականները սկսել են նրանց բերման ենթարկել եւ տեղափոխել ոստիկանական մեքենա:

Դենիսը ցույց է տալիս կադրերը եւ պատմում, որ տղամարդկանց ծեծում էին առանց պատճառի, այնպես ուժեղ էին հարվածում մահակներով, որ շատերը ցավից գոռում եւ արտասվում էին:

Մեկուսարանից Դենիսը գնացել է հիվանդանոց: Նա բազմաթիվ վնասվածքներ ունի: Տղամարդը մտադիր է հայտարարությամբ դիմել Քննչական կոմիտե, ցանկանում է պատասխանատվության ենթարկել իրեն ծեծողներին, ինչպես նաև մտադիր է բողոքարկել դատարանի որոշումը: