Տեսանյութ.Խավարման կարգ` ի հիշատակ Քրիստոսի մատնության և չարչարանքների          Մարտի 29-ին կդադարեցվի հետևյալ հասցեների ջրամատակարարումը       Տեսանյութ.Ավագ Հինգշաբթի՝ Սուրբ Հաղորդության խորհրդի հաստատում, Խորհրդավոր ընթրիք    

30 հոկ 2020 13:17

Թուրքիան ավելի ու ավելի ինքնավստահ է դառնում, դեմն առնել է պետք.Հունաստանի պաշտպանության նախարար

Թուրքիան, ամենայն հավանականությամբ, կգործարկի ռուսական արտադրության Ս-400 հակահրթիռային պաշտպանության համակարգը, եթե ՆԱՏՕ-ն ոչինչ չձեռնարկի: Այս մասին հայտարարել է Հունաստանի պաշտպանության նախարար Նիկոս Պանագիոտոպուլոսը:

Անցյալ շաբաթ Թուրքիայի նախագահ Ռեջեփ Թայիփ Էրդողանը հաստատել էր, որ Թուրքիան հոկտեմբերի 16-ին փորձարկել էր Ս-400 համակարգը` հրթիռն արձակելով Սեւ ծովի Սինոպ քաղաքի մերձակայքում: ՆԱՏՕ-ն բազմիցս հայտարարել է, որ Թուրքիայի կողմից Ս-400-ի գործարկումը հղի է դաշինքի օպերատիվ անվտանգության խախտմամբ: Հաղորդվում էր, որ օգոստոսին Թուրքիան Ս-400 ռադիոլոկացիոն համակարգի կիրառմամբ հետեւել է հունական Ֆ-16 կործանիչին:

Թուրքիան «ավելի ու ավելի ինքնավստահ է դառնում` ագրեսիվ հռետորաբանության աճող տարրի, կոնֆրոնտացիոն վերաբերմունքի եւ ռեւիզիոնիստական ​​քաղաքական դիրքորոշման հետ միասին»,- Պանագիոտոպուլոսի խոսքերը մեջբերում է «Ամերիկայի ձայնը»

«Եթե ոչինչ չձեռնարկվի, ապա թուրք առաջնորդներն իրավունք կունենան համարելու, որ կարող են շարունակել թշնամական եւ կոնֆրոնտացիոն վարք ցուցադրել, որը սպառնում է կայունությանն ամբողջ տարածաշրջանում»,- ասել է Պանագիոտոպուլոսը:

Մեկնաբանություններ


Համընկնող լուրեր