Ադրբեջանի դեսպան. Լեռնային Ղարաբաղի կարգավիճակ այսօր չկա. դա կարող է մշակութային ինքնավարություն լինել հայերի համար
Ադրբեջանի իշխանությունները քննարկում են Լեռնային Ղարաբաղի հայկական բնակչությանը մշակութային ինքնավարություն տրամադրելու հնարավորությունը: Այս մասին, ՏԱՍՍ-ի հաղորդմամբ, հայտարարել է Ռուսաստանում Ադրբեջանի դեսպան Փոլադ Բյուլբյուլօղլին:«Լեռնային Ղարաբաղի կարգավիճակ այսօր չկա. դա կարող է լավագույն դեպքում մշակութային ինքնավարություն լինել հայկական բնակչության համար: Բոլոր ադրբեջանցիները, որոնք նախկինում ապրել են Լեռնային Ղարաբաղում, կվերադառնան այնտեղ»,-ասել է նա:
