Թուրքիայի խորհրդարանը կքննարկի Ադրբեջան զինվորականներ ուղարկելու հրամանագիրը

Նշվում է, որ Էրդողանի համապատասխան հրամանագիրն այսօր է հաստատման ներկայացվել երկրի օրենսդիր մարմնում։
Անկարայի ծրագրի համաձայն՝ թուրքական իշխանությունը կմասնակցի Ղարաբաղում հրադադարի ռեժիմի մոնիտորինգի գործընթացին՝ թուրք-ռուսական համատեղ դիտորդական կենտրոնի շրջանակում։
Ավելի վաղ ՌԴ ԱԳՆ խոսնակ Մարիա Զախարովան վերահաստատել էր Ռուսաստանի իշխանությունների հայտարարությունները, որ Լեռնային Ղարաբաղում թուրք խաղաղապահներ չեն լինելու։ Նա նշել էր, որ խոսքը պարզապես վերաբերում է Ադրբեջանի տարածքում ռուս-թուրքական դիտորդական կենտրոնին, որը Ղարաբաղին մոտ չի լինի, իսկ մանրամասները լրացուցիչ կհամաձայնեցվեն։