Ամենամեծ խմբակային դավաճանությունը. սկսվելիք պատերազմի մասին Փաշինյանն իմացել է սեպտեմբերի 27-ից մեկուկես ամիս առաջ
«Մովսես Հակոբյանի բացահայտածն իրականության անգամ մեկ տոկոսը չէ»,- լրագրողների հետ հանդիպմանը հայտարարեց «Ազգային անվտանգություն» կուսակցության նախագահ Գառնիկ Իսագուլյանը:
Նրա համոզմամբ, սկսվելիք պատերազմի մասին Նիկոլ Փաշինյանն իմացել է սեպտեմբերի 27-ից մեկուկես ամիս առաջ: Ըստ Գառնիկ Իսագուլյանի՝ միտումնավոր չի կատարվել կանոնավոր զորահավաք: Այս առնչությամբ ասաց. «Սա մտածված էր: Տեղի է ունեցել հայոց պատմության մեջ ամենամեծ խմբակային դավաճանությունը, որի գլխին կանգնած են եղել Նիկոլ Փաշինյանը և մյուս բոլոր կառույցները»:
Գառնիկ Իսագուլյանի համար միշտ անհասկանալի է եղել՝, թե ով է կառավարել ամբողջ պատերազմական գործողությունները: Նրա համոզմամբ՝ դա արել են Սամվել Բաբայանն ու Աննա Հակոբյանը. «Որևէ մեկը, բացի նրանցից, որոշումներ կայացնելու իրավասություն չի ունեցել` ո՛չ Արցախի նախագահը, ո՛չ էլ ՊԲ հրամանատարը: Հրահանգները եղել են ուղիղ Նիկոլ Փաշինյանից»: