Քրեական գործում ի սկզբանե որեւէ կերպ չի երեւացել դիվանագիտական անձնագրերը կառավարության շենքից գողանալու փաստը. Դեժավյու          Ինչո՞ւ Քոչարյանին հաջողվեց մոտ 2 ժամ ողջ երկիրը պահել հեռուստացույցի առաջ       «Դու չե´ս պարտվել. քեզ դավել են». Սերժ Սարգսյանը ուղերձ է հղել Բանակի օրվա առթիվ    

28 նոյ 2020 12:09

Անթույլատրելի է հանրությանն անորոշության մեջ պահելը, ասեք ողջ ճշմարտությունը սահմանների մասին

Հայաստանի Մարդու իրավունքների պաշտպան Արման Թաթոյանը դիմում է իշխանություններին՝ պահանջելով դադարեցնել հանրությանն անորոշության մեջ պահելը։ Խոսքը, մասնավորապես, վերաբերում է մեր երկրի սահմանների փոփոխություններին։ Facebook-ի պաշտոնական էջում պաշտպանը գրել է, որ իշխանությունները պարտավոր են բացատրել, մանրամասնորեն պարզաբանել՝ այս պատերազմից հետո մեր երկրի սահմանների հետ կապված ինչ կոնկրետ զարգացումներ կամ լուծումներ են նախատեսված։
«Ու դա նրանք չպետք է անեն այն պատճառով, որ ստիպված են չեզոքացնել մեր երկրի անվտանգությանն առնչվող անսպասելի զարգացումների հետևանքները կամ մեղմել հանրության զայրույթն այդ անսպասելի զարգացումների կապակցությամբ։ Պետք է ի վերջո գիտակցել, որ խոսքը մեր պետության պաշտպանության, մեր ժողովրդի ու յուրաքանչյուր անձի ֆիզիկական անվտանգության ու ապահովության մասին է»,- գրել է Թաթոյանը։

Նա անթույլատրելի է համարում հանրությանն անորոշության մեջ պահելը։ Նրա կարծիքով՝ այսկերպ հատկապես սահմանամերձ գյուղերի բնակիչների համար տագնապային վիճակներ են ստեղծվում ու այդ ամենով խաթարվում է նրանց հոգեկան անձեռնմխելիությունը։ Պաշտպանն ընդգծում է՝ չի կարելի մարդկանց պահել անընդհատ լարվածության մեջ։

«Սրանք պետության ուղիղ պարտավորություններն են, պոզիտիվ պարտավորությունները յուրաքանչուր մարդու հանդեպ»,- եզրափակում է Հայաստանի ՄԻՊ-ը։

Մեկնաբանություններ

Համընկնող լուրեր