Առաջարկել են վառել կամ կախել ուշագնած վիճակում գտնվող Արարատ Միրզոյանին. Ալեն Սիմոնյան
Հայաստանի Հանրապետությունը պատերազմի մեջ է, Ազգային ժողովի նախագահին, ով ուշագնաց վիճակում է եղել, ասել են՝ եկեք վառենք, ասել են՝ չէ, մեռած ա, ասել են՝ չէ, ոչինչ եկեք վառենք կամ կախենք: Այս մասին Ազգային ժողովում լրագրողների հետ զրույցում հայտարարել է Ալեն Սիմոնյանը:«Խմբեր են գործել, որոնք գնացել են օրինակ իմ տուն ու փորձել են ինձ սպանել, ինձ վրա որս էր հայտարարված Մոսկվայում»,-ասաց նա:
Սիմոնյանը հայտնեց, որ Արարատ Միրզոյանի հետ կապված երկու հոգի ձերբակալված են, էլի մարդիկ կձերբակալվեն. «Միրզոյանի անվտանգության աշխատակիցները զինված են եղել, սակայն Միրզոյանն արգելել է նրանց զենք կիրառել», - ասել է Սիմոնյանը:
Նշենք, որ այս ամենի մասին Սիմոնյանը խոսեց՝ պատասխանելով հարցին, որը վերաբերում էր Ազգային ժողովի դարպասները զոդելուն:
