Ադրբեջանն այսօր հայկական կողմին արգելել է զոհվածների աճյունների որոնումներ կատարել
Ադրբեջանն այսօր արգելել է հայկական կողմին զոհվածների աճյունների որոնումներ կատարել։ Տեղեկությունը հայտնեց Արցախի արտակարգ իրավիճակների պետական ծառայության տեղեկատվության և հասարակայնության հետ կապերի բաժնի պետ Հունան Թադևոսյանը։«Այսօր որոնողական աշխատանքներ չեն իրականացվելու։ Ադրբեջանական կողմն արգելել է որոնողական աշխատանքներ իրականացնել հունվարի 20-ին՝ իրենց երկրում նշվող սգո օրվա կապակցությամբ: Նրանք ասացին, որ չեն ուզում, որ հայերը այդ օրը մտնեն իրենց տարածք» - ասաց Թադևոսյանը։
Նա հավելեց, որ որոնողական աշխատանքներն անհնար է իրականացնել նաև ձյան տեղումների պատճառով։
