Տեսանյութ.«Հայաստան» դաշինքի եզրափակիչ հանրահավաքը` Հանրապետության հրապարակում          Տեսանյութ.18 հազար ադրբեջանցի ենք ոչնչացրել, բայց պարտություն կրեցինք, չենք կարողացել նյութականացնել մեր տղաների հերոսությունը       Տեսանյութ. Մեզ համար սա ոչ թե ընտրապայքար է, այլ պետությունը փրկելու հատուկ օպերացիա    

23 հուն 2021 19:39

Էրդողանի կուսակցությունից հայտարարել են, որ Բայդենը Երևանից ԱՄՆ գաղթած քրդական ընտանիքից է սերում

Թուրքիայում իշխող «Արդարություն և զարգացում» կուսակցության ղեկավար խորհրդի անդամ, նախկին պատգամավոր Օրհամ Միրօղլուն ուշագրավ հայտարարություններ է արել ԱՄՆ նորընտիր նախագահ Ջո Բայդենի ծագման վերաբերյալ. հայտնում է Cumhuriyet-ը։

«Իմ քուրդ ընկերներից մեկն է ասել, ինչքան էլ, որ դժվար լինի հավատալ, դժվար չէ հասկանալ դրա նպատակը։ Ոմանք ասում են, որ Բայդենի իրական անունը Ջըմոյե Բահաթթին Աղա է։ Երևանից ԱՄՆ գաղթած քրդական ընտանիքից է սերում և ծագումով Բիրուքի աշիրեթից է (աշիրեթ – քրդական ցեղախումբ՝ խմբ.)», - իր էջում գրել է Միրօղլուն։

Նշենք, որ ԱՄՆ-ում Դեմոկրատական կուսակցությունը բազմիցս է աչքի ընկել իր «քրդամետ» դիրքորոշումներով. Բայդենին քուրդ անվանելու նպատակն էլ դեմոկրատների «քրդասիրությունը» ցույց տալն է։

Բացի այդ` նման խոսակցությունները նաև թաքնված իմաստներ կարող են ունենալ, օրինակ` հավանաբար, արծարծվում է նաև թուրքական հայտնի այն թեզը, թե Երևան քաղաքը հայկական չէ, այնտեղ մշտապես ապրել են թյուրքական և քրդական ցեղեր։

Հիշեցնենք, որ հայտնի մարդկանց թուրք սարքելու միտումը վաղուց է գալիս. դեռևս տասնամյակներ առաջ Թուրքիայում հայտնի պատմաբան, պատմակեղծարար, Հայոց ցեղասպանությունը ժխտելու գործում մասնագիտացած Քադիր Մըսըրօղլուն հայտարարում էր, որ անգլիացի բանաստեղծ, դրամատուրգ Ուիլիամ Շեքսպիրը թուրք է, նրա իսկական անունը Շեյխ Փիր է։

Մեկնաբանություններ

Համընկնող լուրեր