Ինչու են մարդիկ հրաժարվում պատվաստանյութերից․ Բիլ Գեյթս
Microsoft-ի հիմնադիր Բիլ Գեյթսը հայտնել է, որ մարդիկ հրաժարվում են դիմակներ կրել և պատվաստվել դավադրության տեսությունների պատճառով:«Դավադրության տեսությունը կապված է նաև պատվաստանյութերի հետ, և դա ողբերգական է, քանի որ հանգեցնում է նրան, որ մարդիկ դիմակ չեն կրում և չեն պատվաստվում», - ասել է Գեյթսը Ավստրալիայի Ազգային հանրային հեռարձակման կորպորացիային տված հարցազրույցում: Նա նաև նշել է, որ ինքը դեռ չի տեսնում այն լավագույն լուծումը, թե ինչպես կարելի է կասեցնել սոցիալական ցանցերում ապատեղեկատվության տարածումը: Կորոնավիրուսային համաճարակի սկզբից ի վեր սոցիալական ցանցերում և առցանց լրատվամիջոցներում լուրեր են շրջանառվում Գեյթսի կողմից հիվանդության առաջացման մեջ ենթադրյալ մասնակցության մասին: Որոշ պորտալներ և օգտատերեր գրում են, որ միլիարդատերը ցանկանում է պատվաստանյութի միջոցով «չիպավորել» Երկրի բնակչությանը՝ գլոբալ վերահսկողության համար: Գեյթսը շեշտել է, որ համաճարակի մեջ իր ներգրավվածության մասին դավադրության տեսությունները չափազանց հիմար են՝ դրանց լուրջ պատասխանելու համար:
