ԵԽԽՎ-ն դժգոհ է Հայաստանի Զինված ուժերի Գլխավոր շտաբի հայտարարությունից
«Մենք չափազանց մտահոգված ենք Հայաստանում տեղի ունեցած վերջին իրադարձությունների կապակցությամբ»: Այս մասին ասվում է Հայաստանում մոնիտորինգի հարցով ԵԽԽՎ համազեկուցողներ Բորիան Աբերգի եւ Քիմո Կիլյունենի հայտարարության մեջ:«Մասնավորապես, մենք անընդունելի ենք համարում Զինված ուժերի Գլխավոր շտաբի կողմից երեկ արված հայտարարությունը, որը դեմոկրատական ճանապարհով ընտրված կառավարության հրաժարականի կոչ էր պարունակվում: Մենք կոչ ենք անում բոլոր քաղաքական ուժերին եւ պետական գործիչներին լիովին հարգել Հայաստանի ժողովրդավարական սկզբունքներն ու Սահմանադրությունը եւ ձեռնարկել բոլոր անհրաժեշտ քայլերը` առկա իրավիճակի անհապաղ ապասրման համար: Հայաստանն իր նորագույն պատմության շատ բարդ փուլում է գտնվում եւ առավել քան երբեւէ հանգստության, զսպվածության, խոհեմության եւ բոլոր շահագրգիռ կողմերի` ժողովրդավարական սկզբունքներին անսասան աջակցության կարիքն ունի` իր առջեւ ծառացած քաղաքական ճգնաժամը լուծելու համար»:
