ՌԴ ԱԴԾ-ն ահաբեկչություն է կանխել Կալինինգրադի շրջանի էներգետիկ օբյեկտի վրա
![](https://www.7or.am/images/news/big/2021/03/1614848085_6015065.thumb.jpg)
«Անվտանգության դաշնային ծառայությունը կանխել է Կալինինգրադի շրջանի էներգետիկ օբյեկտի վրա ահաբեկչությունը: Ձերբակալվել է Ռուսաստանի քաղաքացի, որը նախատեսում էր դա անել ներկայիս կառավարության նկատմամբ ատելությունից ելնելով»,-հայտնում են կենտրոնից: Տղամարդը զբաղվել է նաև Կալինինգրադի շրջանի բնակիչների հավաքագրմամբ` ահաբեկչական գործողություններին մասնակցելու համար:
«Նրա բնակության վայրում հայտնաբերվել է ինքնաշեն պայթուցիկ սարք, դրա պատրաստման ուղեցույցներ և պայթուցիկ նյութերի սինթեզման բաղադրիչներ, ինչպես նաև վիրավորական բովանդակությամբ նյութեր Ռուսաստանի գործադիր և օրենսդիր մարմինների դեմ»,-տեղեկացրել են ԱԴԾ-ից:
Ձերբակալվածի դեմ քրեական գործ է հարուցվել: Լուծվում է նրա նկատմամբ կանխարգելիչ միջոց ընտրելու հարցը: