Մայիսի 27-ին կդադարեցվի բազմաթիվ հասցեների էլեկտրամատակարարումը          Տեսանյութ. Հատակը ծակելով փորձել են լսողական սարք տեղադրել Բագրատ Սրբազանի սենյակում       Հայտնի են 2024 թվականի միասնական քննությունների երկրորդ փուլի քննական օրերը    

04 մար 2021 13:45

ՌԴ ԱԴԾ-ն ահաբեկչություն է կանխել Կալինինգրադի շրջանի էներգետիկ օբյեկտի վրա

ՌԴ ԱԴԾ աշխատակիցները կալանավորել են Ռուսաստանի քաղաքացու, որը ահաբեկչություն էր նախապատրաստում Կալինինգրադի մարզի էներգետիկ օբյեկտում: Այս մասին հինգշաբթի ՏԱՍՍ-ին հայտնել են ՌԴ ԱԴԾ հասարակայնության հետ կապերի կենտրոնից:


«Անվտանգության դաշնային ծառայությունը կանխել է Կալինինգրադի շրջանի էներգետիկ օբյեկտի վրա ահաբեկչությունը: Ձերբակալվել է Ռուսաստանի քաղաքացի, որը նախատեսում էր դա անել ներկայիս կառավարության նկատմամբ ատելությունից ելնելով»,-հայտնում են կենտրոնից: Տղամարդը զբաղվել է նաև Կալինինգրադի շրջանի բնակիչների հավաքագրմամբ` ահաբեկչական գործողություններին մասնակցելու համար:


«Նրա բնակության վայրում հայտնաբերվել է ինքնաշեն պայթուցիկ սարք, դրա պատրաստման ուղեցույցներ և պայթուցիկ նյութերի սինթեզման բաղադրիչներ, ինչպես նաև վիրավորական բովանդակությամբ նյութեր Ռուսաստանի գործադիր և օրենսդիր մարմինների դեմ»,-տեղեկացրել են ԱԴԾ-ից:


Ձերբակալվածի դեմ քրեական գործ է հարուցվել: Լուծվում է նրա նկատմամբ կանխարգելիչ միջոց ընտրելու հարցը:


Մեկնաբանություններ


Համընկնող լուրեր