Հայաստանին համոզել, որ «նրան կարող է փրկել ոչ թե ռազմավարական զենքը, այլ Ադրբեջանի ու Թուրքիայի երաշխիքները,Ժողովուրդները չեն կարող հավերժ ապրել պատերազմի եւ թշնամանքի մեջ          Թուրքերին զայրացրել է Netflix-ի սերիալը, որտեղ երկրի շրջանները որպես հայկական են նշված       ԱՄՆ դեսպանատունը Ալիևին նկարագրել է որպես «Կնքահայր» վեպի և ֆիլմի եղբայրական մաֆիոզներ Մայքլ և Սոնի Կորլեոնեի «խառնուրդ»    

11 մար 2021 12:54

Կան շուրջ 210 մասունքներ, որոնց հետ աշխատելը դժվար է, հնարավոր չէ ԴՆԹ անալիզ անցկացնել.Մեծամորում կան դիահերձարան եւ դիակները պահպանվում են այնտեղ

Կան մասունքներ, որոնք այնքան վնասված են, որ ուղղակիորեն հնարավոր չէ փորձաքննություն իրականացնել: Այս մասին այսօր՝ մարտի 11-ին, կառվարության նիստից հետո լրագրողների հետ զրույցում ասաց ՀՀ առողջապահության նախարար Անահիտ Ավանեսյանը:

«Մենք արդեն չունենք փորձանմուշներ, որոնք մեկ անգամ չեն ստուգվել, և կան մասունքներ, մարմիններ, որոնք շատ վնասված են և դրանցից ԴՆԹ անալիզ անջատել և փորձաքննություն անցկացնելը բավականին բարդ գործընթաց է, և մենք կապի մեջ ենք միջազգային բարձրակարգ այլ ինստիտուտների հետ, նրանց փորձագետների հետ և տեսնենք՝ ինչ արդյունք կունենանք»,- ասաց Անահիտ Ավանեսյանը:

Առողջապահության նախարարը նաև նշեց՝ մասունքներն այնքան վնասված են, որ անգամ այլ երկրների լաբորատորիաներում հնարավոր չի լինի անցկացնել դրանց փորձաքննություն:

Դիտարկմանը, որ «Սպայկայի» սառնարաններում դեռեւս մարմիններ կան, որոնք կանգնած են դիահերձարանների մետ, նախարարը պատասխանեց,. «Դա «Սպայկայի» սառնարանը չէ: Այո, Մեծամորում ունենք դիահերձարան եւ դիակները պահպանվում են այնտեղ: Դրանք հատուկ սառնարաններ են՝ նախատեսված նման դեպքերի համար: Չեմ կարող ասել, թե կոնկրետ Մեծամորում քանի մարմին է պահպանվում:

210 փորձանմուշ կա, որոնց հետ աշխատելը դժվար է: 2200-ից ավել ճանաչում ունենք, և ունենք 180 ծնող, ովքեր սպասում են փորձանմուշների պատասխանի»,- ասաց նա:

Անահիտ Ավանեսյանը նաև հերքեց խոսակցությունները, որ փորձանմուշների և մարմինների մեջ կարող են լինել նաև ադրբեջանցիների մարմինները, և որ նրանք կարող են հուղարկավորվել եղբայրական գերեզմանում:

Մեկնաբանություններ


Համընկնող լուրեր