Դա հարց չի, ուրա՞ ընդե արժանապատվություն ունեցող դատավոր, բոլորին էլ կկզցնեմ, ժամանակ է պետք
Երեկ հայտնի դարձավ, որ Օնիկ Գասպարյանի մասով միջանկյալ որոշում կայացրած Վարչական դատարանի դատավոր Մհեր Պետրոսյանը ԲԴԽ է դիմել ու հայտնել, որ իր կյանքին վտանգ է սպառնում։ Դատավոր Պետրոսյանը իր կասկածները և մտահոգություններն է հայտնել, որ արդեն քանի օր է՝ ստանում է կոնկրետ սպառնալիքներ։Դեժավյուին հասած տեղեկությունով, դատավորին հնազանդեցնելու օպերացիան պլանավորվել է ԲԴԽ անդամ Գագիկ Ջհանգիրյանի կողմից։ Մասնավորապես, Ջհանգիրյանը իշխանությանը տեղեկացնում է ներքին ինֆորմացիաների մասով, հետո խորհուրդներ տալիս, թե որ դատավորին, որ կողմից է պետք «մոտենալ»։ Մհեր Պետրոսյանի մասով սկզբից ուղորդվել են ԱԱԾ աշխատակիցները, մասնավորապես Դատարան է այցելել ԱԱԾ ներքին անվտանգության պետ Հրայր Ավետիսյանը, որը փորձ է արել «բացատրել», թե ինչ է պետք անել, իսկ ինչ՝ ոչ։
Դատավորի մերժումից հետո, Գագիկ Ջհանգիրյանը «խաղի» մեջ է մտցրել իշխանական քիլեր համարվող պատգամավոր՝ Հայկ Սարգսյանին (մականունը Շիշ բռնող)։ Շիշ բռնողը կազմակերպել է, որ դատավորին զանգեր անեն տարբեր մարդիկ՝ ընդհուպ մինչև կյանքին վտանգ ներկայացնող սպառնալիքներ հնչեցնեն։ Իսկ վերջին կաթիլը և որի արդյունքում դատավորը դիմել է ԲԴԽ-ին, որ հրատապ նիստ անցկացնեն և հայտարարություն անեն, եղել է հեռախոսազանգ, որում ասել են թե՝ «հետդ ուզում ա Սարգսյան Հայկը խոսա»։
Փաստորեն, այդ տարբերակն էլ չի աշխատել, դատավորը կրկին դիմել է ԲԴԽ-ին՝ պաշտպանության ակնկալիքով։ Սակայն Գագիկ Ջհանգիրյանը հավաստիացրել է, որ խնդիր չի տեսնում՝ «դա հարց չի, ուրա՞ ընդե արժանապատվություն ունեցող դատավոր, բոլորին էլ կկզցնեմ, ժամանակ է պետք»։
Աղբյուրը՝ Դեժավյու
