Տեսանյութ. Գյուղից մի փոքր աջ գազատարն է, որը ևս անցնում է ադրբեջանցիներին.Երևան-Նոյեմբերյան միջպետական ճանապարհը կարող է մնալ ադրբեջանցիների տոտալ վերահսկողության տակ          Պուտինն առանց ջանք խնայելու բանակցել է, որպեսզի դադարեցնի պատերազմը. ՀՀ ղեկավարությունը սկսում է արտահայտել այն մտքերը, որոնցով Փաշինյանը ստեղծել էր իր «Ելք» շարժումը       Ինչո՞ւ են Հայաստանի տարածքում արգելափակվել են Սոլովյովի հաղորդումները    

27 մար 2021 14:47

Եթե մենք Գորիս-Կապան գլխավոր ճանապարհը փոխում ենք, ապա կամավոր կերպով հանձնում ենք Շուռնուխը և Որոտանը. Մեղրիի քաղաքապետ

Գորիս-Կապան գլխավոր ճանապարհով երթևեկելը, իհարկե, տհաճ է և խնդրահարույց, քանի որ մարդիկ տուն գնալու համար Ադրբեջանի դրոշի տակով են անցնում, ու ոչ մի անվտանգության երաշխիք, այդ գլխավոր ավտոճանապարհի հետ կապված, չկա: Այս մասին Tert.am-ի հետ զրույցում ասաց Մեղրիի քաղաքապետ Մխիթար Զաքարյանը:


«Գորիս-Կապան ճանապարհով անցնելը, իհարկե, տհաճ է, ու բնակիչները ճանապարհին Ադրբեջանի դրոշի տակով են անցնում, և հետագայում շատ խնդիրներ կարող են լինել: Սյունիքի մարզում բացարձակապես անվտանգ չէ, և ամեն բան թողնված է թշնամու բարի կամքի վրա, հիմա ինչպես ցանկանա թշնամին, այդպես էլ կվարվի, միակ վստահություն ներշնչող գործոնը ռուս խաղաղապահներն են»,-ասաց նա:


Մխիթար Զաքարյանը նաև նշեց՝ Տաթևի ճանապարհով բեռնատար մեքենաները չեն կարող երթևեկել, և այդ ճանապարհը գլխավոր դարձնելու դեպքում մի շարք գյուղեր կամավոր կերպով հանձնվում են Ադրբեջանին: Քաղաքապետը նաև հերքեց մամուլում շրջանառվող լուրերը, որ նրան զգուշացրել են Գորիս-Կապան ճանապարհով չերթևեկելու մասին, քանի որ վտանգներ կան:


«Կա վտանգ, որ Գորիս-Կապան ճանապարհին կարող են մեքենան կանգնեցնել և գերի վերցնել մարդկանց, այս պարագայում Տաթևի ճանապարհով մարդատար մեքենաները կարող են երթևեկել, բայց բեռնատար մեքենաները չեն կարող, քանի որ տեխնիկական հնարավորություններ չկան: Կա նաև այլ վտանգ, եթե Գորիս-Կապան գլխավոր ճանապարհը փոխվի, ապա Շուռնուխ և Որոտան գյուղերը մնում են լուսանցքում, և դուրս է գալիս՝ կամավոր արդեն իսկ հանձնում ենք այդ տարածքները»,-նշեց Մխիթար Զաքարյանը:


Մեկնաբանություններ


Համընկնող լուրեր