Աղոթում եմ, որ օրհնվեն հայ ժողովրդի անվտանգության համար աշխատողների ջանքերը. Հռոմի պապ          Օդի ջերմաստիճանը կնվազի, սպասվում է անձրև և ամպրոպ       Սիրված ու ճանաչված երգիչ Հայկոն ծայրահեղ ծանր ախտորոշմամբ տեղափոխվել է հիվանդանոց    

31 մար 2021 10:41

ՀՀ և Արցախի նախկին նախագահները հույժ գաղտնի որոշում են կայացրել ու խոստացել են, որ դրա մասին անգամ իրենց ամենամտերիմներին չեն ասելու․«Ժողովուրդ»

«Դեռևս մարտի 25-ին հանդիպում էր տեղի ունեցել Հայաստանի և Արցա­խի նախկին նախագահներ Լևոն Տեր-Պետրոսյանի, Ռոբերտ Քոչարյանի, Սերժ Սարգսյանի, Արկադի Ղուկասյանի և Բակո Սահակյանի մի­ջև: «Ժողովուրդ»-ը տեղեկացավ, որ ի սկզբանե նախագահները որոշել են որևէ հաղորդագրություն այդ մա­սին չտարածել, որևէ ձևով հանրու­թյանը չտեղեկացնել այդ հանդիպ­ման մասին, սակայն Լևոն Տեր- Պետրոսյանի «թիմը» հաջորդ օրը, բոլորի համար անակնկալ որոշել է նման հաղորդագրություն տարածել, որը նախագահների համար անսպա­սելի է եղել:




Հիշեցնենք, որ մարտի 26-ին ՀՀ առա­ջին նախագահ Լևոն Տեր-Պետրոսյանի մամուլի պատասխանատու Արման Մուսինյանը իր ֆեյսբուքյան էջում գրել էր. «Երեկ՝ մարտի 25-ին, հանդիպում է տեղի ունեցել Հայաստանի և Արցախի նախ­կին նախագահներ Լևոն Տեր-Պետրոս­յանի, Ռոբերտ Քոչարյանի, Սերժ Սարգսյանի, Արկադի Ղուկասյանի և Բակո Սահակյանի միջև, որի ընթացքում քն­նարկվել են հետպատերազմյան շրջա­նում Արցախում ստեղծված իրավիճակին և հետագա հնարավոր զարգացումնե­րին վերաբերող մի շարք հարցեր»:


Նախագահները, տեսնելով, որ Լևոն Տեր-Պետրոսյանի մամուլի խոսնակը մի­այն տեղեկացրել է, թե հանդիպումը վե­րաբերել է Արցախի հարցին, որոշել են արդեն ՀՀ երրորդ նախագահ Սերժ Սարգսյանի պաշտոնական էջով հայ­տարարություն տարածել, նշելով, որ հանդիպման ժամանակ Հայաստանին վերաբերող հարցեր ևս քննարկվել են: «Ի պատասխան բազմաթիվ լրատվա­միջոցների հարցումների՝ ՀՀ երրորդ նա­խագահի գրասենյակը հաստատում է ս.թ. մարտի 25-ին Հայաստանի և Արցա­խի նախկին նախագահների հանդիպ­ման փաստը: Թե՛ արցախյան վերջին պատերազմի ընթացքում, թե՛ հետպա­տերազմյան ժամանակահատվածում Արցախի և Հայաստանի կենսական խնդիրներին վերաբերող առաջնահերթությունները ստեղծում են նման ձևաչափով պարբերական քննարկումների հրամայական»,- նշված էր հաղորդագ­րությունում:


Այսինքն՝ Սերժ Սարգսյանի թևը հատուկ շեշտել է, որ Հայաստա­նում առկա խնդիրները ևս քննարկվել են, ու նման ձևաչափով հանդիպումներ առաջիկայում նախատեսվում են:


Մենք տեղեկացանք, որ հանդիպման ժամանակ նախագահները քննարկել են Հայաստանի քաղաքական իրավիճակը, արտահերթ ընտրությունների գնալու տարբերակներն ու ձևաչափը, ինչպես նաև իշխանությունների դեմ պայքարե­լու ուղիները:


Armlur.am-ը տեղեկացավ նաև, որ նախագահները հանդիպման ժամանակ հույժ գաղտնի որոշում են կայացրել ու միմյանց խոստացել են, որ դրա մասին անգամ իրենց ամենամտերիմներին չեն ասելու: Արդեն քանի օր է՝ մենք փորձում ենք պարզել, թե ինչ որոշման մասին է խոսքը: Փորձեցինք նաև զրուցել Արցախի նախկին նախա­գահ Արկադի Ղուկասյանի հետ, սակայն վերջինս կտրականապես մեր հեռախոսազանգերին չի արձագանքում»,-գրում է թերթը:


Նյութն ամբողջությամբ կարդացեք թերթի այսօրվա համարում:


Մեկնաբանություններ

Համընկնող լուրեր