Ադրբեջանում կեղծ քարտեզ են ներկայացրել, որտեղ Սյունիքը, Վայոց ձորը և Գեղարքունիքի ու Տավուշի մի մասն արդեն «ադրբեջանական» են
Ադրբեջանի Պաշտպանության նախարարությունն երեկ տարածել է կեղծ քարտեզ, որտեղ Հայաստանի Հանրապետության ինքնիշխան տարածքների մի մասը «ընդգրկվել է» Ադրբեջանի տարածքում:Թեև Ադրբեջանը մշտապես հայտարարում էր, որ Հայաստանի տարածքները այսպես կոչված «պատմական Ադրբեջանի» տարածքներ են, բայց վերջին պատերազմից հետո ՀՀ տարածքների նկատմամբ ախորժակն էլ ավելի է գրգռվել։
Ադրբեջանցի զինվորականների մասնակցությամբ անցկացվող ինչ–որ քննարկման ժամանակ ներկայացված քարտեզում, բացի Սյունիքից, որը գրավելու ցանկության մասին խոսում է ադրբեջանական վերնախավը, «Ադրբեջանի տարածք» է ներկայացված նաև ամբողջ Վայոց ձորը, Գեղարքունիքի մի մասը՝ Սևանա լճի արևելյան ափերով և Տավուշի արևելյան տարածքները։
