Ռուսական «Սու-34» ռմբակոծիչները հագեցվել են հետախուզական նոր համակարգերով
Ռուսական մարտական «Սու-34» ռմբակոծիչները հագեցվել են հետախուզական նոր համակարգերով, հայտնում է «ՌԻԱ Նովոստի»-ն՝ վկայակոչելով աղբյուրը ավիաշինության արդյունաբերությունում:Ինքնաթիռների մեջ ունիվերսալ հետախուզական բեռնարկղեր են տեղադրվել, այդ թվում՝ օպտիկական-էլեկտրոնային, ռադիոլոկացիոն եւ ռադիոտեխնիկական հետախուզություն իրականացնելու համար:
Նոր հրթիռային համակարգերը մեծացնում են «Սու-34»-ի հնարավորությունները բոլոր տեսակի ցամաքային եւ վերգետնյա թիրախների հայտնաբերման գործում եւ ապահովում են կոորդինատների եւ խոցման թիրախների այլ պարամետրերի բարձր ճշգրտությամբ որոշումը:
Բացի այդ, նոր բեռնարկղերը հնարավորություն են տալիս իրական ժամանակում տվյալները կապի անվտանգ կապուղու միջոցով ինքնաբերաբար ինքնաթիռից փոխանցել ցամաքային ուժերին:
Դրա շնորհիվ՝ «Սու-34»-ը կարող է որպես միջծառայողական հետախուզական եւ հարվածային համակարգերի մաս օգտագործվել եւ մարտական գործողություններ իրականացնել մեկ տեղեկատվական տարածքում:
«Սու-34» առջեւի գծի ռմբակոծիչը նախատեսված է ցամաքային, վերգետնյա եւ օդային թիրախների պարզ եւ դժվար եղանակային պայմաններում խոցման համար: Ռուսական բանակը զինված է ավելի քան 120 նման ինքնաթիռով:
