Տեսանյութ.Փակագծեր են բավվում.ով է ստում՝ Նիկոլ Փաշինյանը, թե՝ Օնիկ Գասպարյանը, երբ խոսում են պատերազմի 4-րդ օրն այն դադարեցնելու վերաբերյալ թեմայի մասին          Տեսանյութ.ԱԱԾ նախկին տնօրենի մեկնաբանությունը՝Փաշինյանին ուղեկցող ինքնաթիռը մի քանի ժամով անհետացե՞լ է Թուրքիայի սահմանում       Տեսանյութ.Ես չեմ կարող հիմա ասել, որ վաղը զենք ենք վերցնելու ու գնալու իշխանափոխության. Նույնիսկ պատրաստ ենք վաղը համազգեստ հագնել ու փողոց դուրս գալ մեր երկրի համար    

15 ապր 2021 13:22

Վերջ՝ «խրախճանքի 10-օրյակին» ,ամանորյա արձակուրդներ այլևս չեն լինի

Ամանորին Հայաստանում խրախճանքի 10-օրյակ է հայտարարվում։ Այսօր կառավարության նիստում ներկայացնելով «ՀՀ տոների և հիշատակի oրերի մաuին» օրենքում փոփոխություններ կատարելու նախագիծը, այս մասին ասաց ՀՀ էկոնոմիկայի նախարար Վահան Քերոբյանը։

Դրանով առաջարկվում է Ամանորը նշել միայն 2 օր`  դեկտեմբերի 31-ին ու հունվարի 1-ին, իսկ Սուրբ ծնունդն ու Հայտնությունը միայն 1 օր` հունվարի 6-ին։ Այսինքն` միայն այս երեք օրերը կլինեն ոչ աշխատանքային, մնացած բլոր օրերը` աշխատանքային։

«Այն կարգավորումները, որ մենք ունենք այսօր, ՀՀ տնտեսական կյանքից, ըստ էության, ջնջում են 10 օր, որոնց ընթացքում մեր երկրում խրախճանքի 10-օրյակ է հայտարարվում։ Այսօրվա Հայաստանուվ ու դրա ապագայով հետաքրքրված յուրաքանչյուր քաղաքացի, գործարարները, բիզնեսը չեն կարող թույլ տալ նման շռայլություն»,– ասաց նախագիծը ներկայացնող Էկոոմիկայի նախարար Վահան Քերոբյանը։
Էկոնոմիկայի նախարարությունը հաշվարկել է, որ 5 լրացուցիչ աշխատանքային օրերի դեպքում համախառն ներքին արդյունքի ծավալը կավելանա 88․6 մլրդ դրամով, առևտրի ծավալը` 47․5 մլրդ դրամով,  արդյունաբերությունը` 35․4 մլրդ դրամով, ծառայությունների թողարկման ծավալը` 33․9 մլրդ դրամով, գյուղատնտեսության ծավալը կավելանա 3.5, շինարարության ծավալը` 2.9 մլրդ դրամով։
Այս հաշվարկների հետ չհամաձայնեց ՀՀ Աշխատանքի և սոցիալական հարցերի նախարար Մեսրոպ Առաքելյանը։

«Դուք ՀՆԱ–ն բաժանել եք միայն աշխատանքային օրերի վրա։ Տպավորություն է, որ ոչ աշխատանքային օրերին Հայաստանում ՀՆԱ չի ստեղծվում»,– ասաց Առաքելյանը` միաժամանակ պնդելով, որ Ամանորի երկար օրերին մարդիկ առևտուր են անում, ծառայություններից օգտվում ու գնում հանգստյան տներ։

«Ինչքան երկար է արձակուրդը, այնքան մարդիկ ավելի շատ են գնում հանգստյան տներ»,– ասաց նա։

ՀՀ վարչապետ Նիկոլ Փաշինյանն էլ հիշեցրեց, որ թեման նոր չէ, այն ամեն տարի քննարկվում է տարեվերջին, ուստի, իր խոսքով` կառավարությունը որոշել է խնդիրը լուծել նախապես` մինչև Նոր տարի։
Վարչապետը շեշտեց, որ հարցն ունի նաև հոգեբանական ու սովորութային հիմք։

«Մենք ընդունում ենք օրենքի նախագիծ, որը դեռ պետք է քննարկումներ անցի ԱԺ–ում։ Մենք բարձրաձայնում ենք թեման` կարծիք գեներացնելու ու հասկանալու համար, թե ինչ ընկալումներ կան»,– ասաց վարչապետը։

Նրա խոսքով` այս նախագիծը պետք է ընդունել ոչ թե որպես վերջնական որոշում, այլ առաջարկ։

Կառավարությունը հաստատեց օրենքի նախագիծն ու այն առաջիկայում կներկայացնի խորհրդարան։

Որոշմանը միակ դեմ քվեարկած նախարարը ՀՀ աշխատանքի և սոցիալական հարցերի նախարար Մեսրոպ Առաքելյանն էր, որը համաձայն չէր նախագծում ներկայացված հիմնավորումների հետ։

Մեկնաբանություններ

Համընկնող լուրեր