Ինչու է Ադրբեջանի ԱԳՆ-ն անհանգստացած ԵՄ բանագնացի և Դավիթ Բաբայանի հանդիպմամբ
Երեկ Ադրբեջանում Եվրամիության ներկայացուցիչ դեսպան Կեստուտիս Յանկաուսկասը հրավիրվել էր Ադրբեջանի արտաքին գործերի նախարարություն:Հանդիպման ընթացքում դեսպան Յանկաուսկասը այդ երկրից բողոք է ստացել` կապված Հարավային Կովկասում ԵՄ հատուկ ներկայացուցիչ Թոյվո Կլարայի և Արցախի արտաքին գործերի նախարար Դավիթ Բաբայանի հանդիպման հետ, որը տեղի է ունեցել ապրիլի 14-ին Երևանում։
Ադրբեջանի ԱԳՆ-ում նշել են Հարավային Կովկասում ԵՄ ներկայացուցչի այն «գործողությունների անթույլատրելիությունը, որոնք հաշվի չեն առնում հակամարտությունից հետո տարածաշրջանում նոր իրողությունները, սպառնում են փխրուն խաղաղությանը և անհիմն սպասումներ տալիս հակառակ կողմին»:
Դեսպան Կեստուտիսին տեղեկացվել է, որ Հարավային Կովկասում ԵՄ հատուկ ներկայացուցչի նման գործողությունները խաթարում են ադրբեջանական կողմի վստահությունը նրա նկատմամբ:
