ՌԴ -ն պիտի այնքան զգույշ լինի, այլապես Հայաստանն այնքան սահուն կանցնի արևմտյան գոտի, որ Կրեմլում անակնկալի կգան          Վանեցյանն աղմկահարույց հայտարարություններ արեց ԱԱԾ նախկին տնօրենի մասին.Փորձելով թուլացնել ԱԱԾ-ն՝ այս իշխանությունները փորձել են թուլացնել պետության հիմքերը       «Օրենքով գողի» են ձերբակալել. «Նուբարաշեն» և «Արմավիր» ՔԿ–ներում «զոն նայողներ» են եղել    

20 ապր 2021 14:13

ՌԴ-ն պատրաստում է սանկցիաներ, խստացնում է մուտքի պայմանները նաև հայերի համար

«ՀՀ քաղաքացիների մի ստվար զանգված առնչվելու է այս խստացումներին»,- այսօր հրավիրված մամուլի ասուլիսում ասաց ՀՀ միգրացիոն ծառայության հանրայիկ կապերի պետ Նելլի Դավթյանը՝ անդրադառնալով ՌԴ-ում միգրացիոն օրենսդրության խստացումներին։


Նրա խոսքով, ՌԴ-ում Հայաստանից 61 հազար միգրանտեր կան, որոնց մուտքը ինչ-ինչ պատճառներով համարվել է անօրինական։


«Զգուշացում է տարածվել, որ արդեն իսկ ՌԴ-ն պատրաստում է սանկցիաներ, որ պետք է կիրառվեն այս թիրախային խմբի նկատմամբ, և նրանք հորդորում են, որ մինչև հունիսի 15-ը երկրի տարածքը լքեն անօրինական միգրանտի կարգավիճակում գտնվող քաղաքացիները։ Այդ մասին անցյալ ուրբաթ ՌԴ ՆԳ նախարարի առաջին տեղակալն է նշել, ապա հայտարարությունը տարածվեց նաև ՀՀ-ում»,- ասաց նա։


Նելլի Դավթյանը տեղեկացեց, որ բացի դա կան նաև այլ կոշտ խստացումներ, օրինսկ՝ հուլիսի 7-ին ուժի մեջ կմտնի միջազգային փոխադրումների իրականացման նկատմամբ կիրառվող վերահսկողության մասին օրենքը։


«Խոսքն այն մասին է, որ օտարերկրյա փոխադրողը, երբ ՌԴ սահմանը հատում է, և նա, կամ իր ներկայացրած կազմակերպությունը սահմանահատման պահին ունի չվճարված տուգանք, ապա այդ պահից սկսած նա 3 ժամ ունի տուգանքը վճարելու և շարունակելու ճանապարհը։ Հակառակ դեպքում նրա մուտքը կարգելվի։ ՌԴ-ում էլ երթևեկության կանոնները խախտելու դեպքում սահմանի վրա վարորդը խնդիր է ունենալու և ստիպված է լինելու նախ տուգանքը վճարել, ապա շարունակել ճանապարհը»,- նշեց բանախոսը։


Նա տեղեկացրեց, որ Պետդումայում շուտով ավելի գլոբալ փոփոխություններ ևս պետք է քննարկվեն, որոնք նախատեսում են ինչպես ընթացիկ ակտերի բազմապատիկ խստացումներ, այնպես էլ էմիգրացիոն քաղաքականության փոփոխություններ։


«Հայկական Կարիտաս» հասարակական կազմակերպության ներկայացուցիչ, Տաթևիկ Բեժանյանն էլ նկատեց՝ ՌԴ մուտք գործելու համար օրենքը գործում է, և հուլիսի 7-ից ուժի մեջ կմտնի դրույթը, ըստ որի՝ ՌԴ-ում գտնվելու պարագայում եթե քաղաքացիներն ունեն խախտումներ և պետք է սահմանը հատեն, նախ պետք է տուգանքը վճարեն։


«Առաջարկվու է տարվա մեջ առանց թույլատվական փաստաթղթերի (վիզա) ՌԴ-ում գտնվել ընդամենը 30 օր, նախկին 180 օրվա փոխարեն։ Իսկ այդ ժամկետից ավելի մնալու համար քաղաքացին պետք է բուժզննում անցի, հանձնի մատնահետք, ունենա կամավոր բժշկական ապահովագրություն, հանձնի քննություն ռուսաց լեզվից, Ռուսաստանի պատմությունից, մշակույթից, ձևակերպի ID քարտ՝ չիպով, որին պետք է հետևեն գլոբալ նավիգացիոն արբանյակային համակարգեր։ Սա վերաբերում է օտարերկրացու՝ 31-90 օր ՌԴ-ում գտնվելուն։ Ներկայումս այս ժամկետը խախտողները, եթե այս ժամկետը խախտում են, 3 տարի ժամկետով մուտքի արգելք են ստանում»,- ներկայացրեց նա։


Մեկնաբանություններ

Համընկնող լուրեր