Թուրքիան կշարունակի պաշտպանել ճշմարտությունը նրանց դեմ, ովքեր ստում են այսպես կոչված «Հայոց ցեղասպանության» մասին
Թուրքիայի նախագահ Ռեջեփ Թայիփ Էրդողանը հայտարարել է, որ իր երկիրը կպաշտպանի ճշմարտությունը 1915-ին Հայոց ցեղասպանության «կեղծ» և քաղաքական դրդապատճառներով առաջադրված մեղադրանքների ֆոնին ԱՄՆ նախագահ Ջո Բայդենի կողմից ցեղասպանության հնարավոր ճանաչման վերաբերյալ:Ավելի վաղ Wall Street Journal-ը, վկայակոչելով ամերիկացի պաշտոնյաներին, հայտնել էր, որ Բայդենը պատրաստվում է պաշտոնապես ճանաչել Օսմանյան կայսրությունում ավելի քան մեկ դար առաջ տեղի ունեցած Հայոց ցեղասպանությունը: Նրա նախորդը՝ Դոնալդ Թրամփը հրաժարվել էր դա անել՝ վախենալով Թուրքիայի հետ հարաբերությունների վատթարացումից:
«Նախագահն ասաց, որ Թուրքիան կշարունակի պաշտպանել ճշմարտությունը նրանց դեմ, ովքեր ստում են այսպես կոչված «Հայոց ցեղասպանության» մասին և քաղաքական դրդապատճառներով սատարում են այդ զրպարտությանը», - նշվում է Էրդողանի վարչակազմի հաղորդագրության մեջ՝ տարածված Էրդողանի նախագահությամբ անցկացված բարձրագույն խորհրդատվական նիստի արդյունքներով։
