Ջահերով երթ դեպի Ծիծեռնակաբերդի բարձունք
Հայոց ցեղասպանության 106-րդ տարելիցի նախօրեին Երևանի Ազատության հրապարակում մեկնարկել է հավաք, որին կհաջորդի ավանդական ջահերով երթը դեպի Ծիծեռնակաբերդի հուշահամալիր:Ջահերով երթի երթուղին հետևյալն է՝ Ազատության հրապարակ-Մաշտոցի պողոտա-Բաղրամյան պողոտա-Օրբելի եղբայրների փողոց-Կիևյան փողոց-Ծիծեռնակաբերդի հուշահամալիր երթուղով:
Ապրիլի 24-ի նախորդող օրը յուրաքանչյուր տարի Հայաստանում ու Սփյուռքում իրականացվում են ջահերով երթեր, որոնք շարունակվում են մինչև լուսաբաց:
Ջահերով երթ առաջին անգամ տեղի է ունեցել 1999-ին՝ ՀՅԴ «Նիկոլ Աղբալյան» ուսանողական միության նախաձեռնությամբ և ավանդաբար շարունակվում է:
