Տեսանյութ.Խավարման կարգ` ի հիշատակ Քրիստոսի մատնության և չարչարանքների          Մարտի 29-ին կդադարեցվի հետևյալ հասցեների ջրամատակարարումը       Տեսանյութ.Ավագ Հինգշաբթի՝ Սուրբ Հաղորդության խորհրդի հաստատում, Խորհրդավոր ընթրիք    

28 ապր 2021 16:18

Տեսանյութ.Որքան էլ պնդեն, թե Սյունիքն անվտանգ է, այդպես չէ.Սոսիների պուրակը Ալիևներին տրվել է դեկտեմբերի 18-ին

Սոսիների պուրակում, այո, Ալիևն իր ընտանիքի հետ հայտնվել է․ որքան էլ փորձենք պնդել, թե այնտեղ չէ, միևնույն է, ակնհայտ է, որ դեկտեմբերին զիջված տարածքներում է Ալիևը․  լրագրողների հետ զրույցում ասաց անկախ պատգամավոր Աննա Գրիգորյանը։


«Թեև նոյեմբերի 9-ի հայտարարությամբ ասվում էր, որ զորքերը պետք է կանգնեն այնտեղ, որտեղ այդ պահին գտնվում են, դեկտեմբերի 18-ին մեր զորքին հետ քաշվելու հրաման է եղել։ Հետ քաշվելով՝ զիջել ենք անվտանգության գոտին, եւ այդ գոտու մի հատվածը եղել է Սոսիների պուրակի այն մասը, որտեղից Ալիեւները նկար են հրապարակել»,- ասաց պատգամավորը։


Փաշինյանը Սյունիք կատարած այցից հետո մարզի անվտանգության մասին որեւէ հայտարարություն չի արել։ Գրիգորյանն ասում է․ «Սյունեցիները ինձ հարցնում են՝ լավ, ի վերջո, ինչո՞ւ էր Փաշինյանը Սյունիք եկել, ի՞նչ հարց էր ուզում լուծել։ Ես ուզում եմ ձեր ուշադրությունը հրավիրել այն հանգամանքին, որ Սյունիք կատարած այցից հետո գեթ մեկ նկատառում մարզի անվտանգության վերաբերյալ վարչապետը չի հնչեցրել։ Ի վերջո, նա անցել է այն ճանապարհով, որտեղ կանգնած է եղել ադրբեջանցին, որեւէ արձագանք, դիտարկում չի հնչեցրել, անցկացրել է խորհրդակցություն, բայց անվտանգության մասին ոչ մի խոսք: Այն տոնայնությամբ, որով այստեղ մտքեր են հնչեցնում, խոսում, թող գնան, կանգնեն Շուռնուխում, նույն տոնայնությամբ խոսեն, տեսնենք՝ ինչ արձագանք կստանան: Որքան էլ պնդեն, թե Սյունիքն անվտանգ է, այդպես չէ, Սյունիքն անվտանգ չէ»։


Մանրամասները դիտեք տեսանյութում։


Մեկնաբանություններ


Համընկնող լուրեր