Հայկական իրավական կենտրոնը հայ գերիների անհետացումների վերաբերյալ նոր գործեր է ներկայացրել ՄԻԵԴ          Տեսանյութ.Շատ անհանգստություն կա, բայց դա իմ ոլորտում չէ. նախագահը`սահմանային իրավիճակի մասին       ԱԳՆ խոսնակը՝Փաշինյանի և Աիևի հանդիպման մասին    

11 մայիս 2021 12:59

Բաքուն սկսել է զինվել իսրայելական հակաօդային անխոցելի համակարգերով, իսկ ի՞նչ է անում Հայաստանը

Քաղաքագետ Հայկ Մարտիրոսյանը ֆեյսբուքյան իր էջում գրել է. «Տարիներ առաջ Իսրայելն, առանց որևէ մեկի ուղղակի մասնակցության, բայց ԱՄՆ աջակցությամբ ստացած տեխնոլոգիաների հիման վրա մշակեց Երկաթե Գմբեթ համակարգը, որ նախադեպ չունի աշխարհում իր արդյունավետությամբ: Այն իր որակներով անգամ գերազանցում է ամերիկյան համանման համակարգերին:

Երկաթե Գմբեթը մի քանի անգամ արդեն կիրառվել է Իսրայելի երկնքում: Այսօր` Երուսաղեմի հրետակոծությունների ժամանակ, Երկաթե Գմբեթը ևս մի անգամ ցույց տվեց իր բացառիկությունը` գրեթե անթերի աշխատելով և սուրբ քաղաքի երկնքում ոչնչացնելով գրեթե բոլոր թշնամական հրթիռները:
Իսրայելը այն փոքր և սկզբում չափազանց աղքատ պետությունն էր, որ ԱՄՆ դաշնակից դառնալուց հետո կարողացավ ինքնուրույն ռազմաարդյունաբերական գերհզոր համալիր ստեղծել և ԱՄՆ լուռ համաձայնությամբ վերացնել սեփական ռազմատեխնիկական կախվածությունը ոչ միայն այլ զինավաճառ պետություններից, որոնցից շատերը հրաժարվում էին զենք մատակարարել հրեական պետությանը, այլև` հենց իրենից` ԱՄՆ-ից: Այսօր անգամ ինքը` ԱՄՆ-ն է գնում իսրայելական ռազմական գերհզոր արտադրանքը:

Ի դեպ` ըստ որոշ տվյալների` Բաքուն սկսել է զինվել իսրայելական նմանատիպ հակաօդային անխոցելի համակարգերով:
Իսկ ի՞նչ է անում Հայաստանը: Ոչ միայն դավաճանական պատերազմից հետո, որի ժամանակ դաշնակցի կողմից ապաակտիվացվել էր հակաօդային համակարգը, որի արդյունքում էլ այն ոչնչացվեց` չի ազատագրում սեփական ՀՕՊ համակարգը գաղութարարի գերությունից, այլև նրա հրահանգով էլ ավելի է կազմաքանդում բանակը` դրանով երկիրը դարձնելով հաջորդ հարձակման համար անչափ հեշտ թիրախ»:

Մեկնաբանություններ

Համընկնող լուրեր