Սյունեցիների մոտ լուրջ մտահոգություններ են առաջացել, նրանք արդեն մոբիլիզանում են, հավաքվում և ջոկատներ կազմում. «Հրապարակ»
Քիչ առաջ Սյունիքից կրկին տեղեկություն ստացանք, որ ադրբեջանցիների և հայկական կողմի միջև բանակցություննների ուշացումը, ադրբեջանցիների կողմից տեղ ու ժամ փոխելը, նախապես պայմանավորված տեղում բանակցությունների չգալն ու արդեն 1 օրից ավել Սեւ լիճը օկուպացված պահելը սյունեցիների մոտ լուրջ մտահոգություններ է առաջացրել և պատերազմին մասնակցած սյունեցիները արդեն մոբիլիզանում են, հավաքվում և ջոկատներ կազմում՝ հարկն եղած դեպքում Սյունիքը պաշտպանելու համար։Հիշեցնենք, որ ադրբեջանցիները երեկվանից 3.5 կիլոմետր խորությամբ սողոսկել են ՀՀ միջազգայնորեն ճանաչված սահման և չեն հեռանում։ Այսօր պետք է բանակցություններ կայանային Սև լճի տարածքում, սակայն ադրբեջանցիները չեն եկել և հանդիպման վայր են նշանակել Խնձորեսկ գյուղի տարածքը։
