Հայաստանի կողմից յուրաքանչյուր դրական քայլ ադեկվատ արձագանք կստանա մեր կողմից. Բայրամով          Բացառիկ տեսանյութ. պատգամավոր Թագուհի Թովմասյանն իր հարսանիքի ժամանակ երգել է Հայկոյի հետ       Ֆրանսիայում ձերբակալվել է հանցավոր խումբ, որոնք նրանք կապ են ունեցել «հայկական և վրացական» հանցավոր խմբավորումների հետ    

22 մայիս 2021 13:17

ԱԱԾ-ն՝ մեր տարածք ադրբեջանական ներխուժման վերաբերյալ ՀՀ ԶՈւ ԳՇ հայտարարության մասին

Ավելի քան 10 օր առաջ Հայաստանի տարածք ներխուժած ադրբեջանական ուժերը դեռ չեն հեռացել: Ինչպես կառավարության վերջին նիստում հայտարարեց Նիկոլ  Փաշինյանը, նրանց թիվը հասնում է 500-600-ի, սակայն տարբեր տեղեկություններով, թշնամու զինվորների թիվն արդեն 1000-ի է հասնում:

Ադրբեջանական ներխուժումից հետո տեղեկություններ տարածվեցին, որ թշնամին հայկական դիրք է գրավել: Այս տեղեկություններին հաջորդեց ՀՀ ԶՈւ ԳՇ հայտարարությունը, որը ներկայացնում ենք ստորև:

«Ոչ միայն ադրբեջանցիները հայկական որևէ դիրք չեն գրավել, այլև նույնիսկ տեսականորեն չէին կարող գրավել, քանի որ սահմանային այդ հատվածում, որտեղ ադրբեջանցիները փորձել են առաջխաղացում ապահովել, մարտական դիրքեր ուղղակի չկան և դա ընդամենը բաց տարածք է, որը, ինչպես նաև այդտեղ գտնվող ադրբեջանցի զինվորականները, գտնվում են հայկական ստորաբաժանումների վերահսկողության տակ»:

Analitik.am-ը դիմել է ՀՀ ԱԱԾ-ին, որպեսզի հասկանա, թե ինչ տեսակետ ունի ծառայությունը սույն հայտարարության վերաբերյալ: Արդյո՞ք այն պարունակում է սպառնալիք ազգային անվտանգությանը: Եթե այո, արդյո՞ք ՀՀ ազգային անվտանգության ծառայությունը պատրաստվում է զբաղվել այս հայտարարությամբ:

Ստորև ներկայացնում ենք ԱԱԾ պատասխանը՝ մեր հարցմանը.

«ՀՀ ազգային անվտանգության ծառայությունն իրականացնում է օրենսդրությամբ իր վրա դրված գործառույթները և պետական մարմինների կողմից արված հայտարարությունների վերաբերյալ հրապարակային տեսակետ չի արտահայտում»։

Մեկնաբանություններ

Համընկնող լուրեր