Տեսանյութ.Թշնամին Գեղարքունիքի հատվածում անարգում ու փորձում է հետ մղել հայ սահմանապահներին՝ պահանջելով զենքերը (18+)
Հայաստանի տարածքում կրկին միջադեպ է եղել ադրբեջանցի և հայ զինվորականների միջև:Թշնամին Գեղարքունիքի հատվածում անարգում ու փորձում է հետ մղել հայ սահմանապահներին՝ պահանջելով զենքերը:
Պետություն պարզապես չկա:
***
Ալվինա Աղաբաբյանը ֆեյսբուքյան իր էջում գրում է.
Ցանցում կրկին տեսանյութ է հայտնվել` ինչպես են ադրբեջանցիք Գեղարքունիքի հատվածում գոռգռալով, հայհոյելով, հրելով տարիքով բավականին մեծ հայ սահմանապահներին քշում բարձունքն ի վար։
Եթե սա նոր նկարված տեսանյութ է, նշանակում է`
▪︎թշնամին շարունակում է խորանալ մեր տարածքում,
▪︎մեր սահմանը թշնամու ներխուժումից 14 օր անց շարունակում է բարձիթողի վիճակում մնալ,
▪︎սահմանին կանոնավոր բանակ չկա, կամավորներ են կամ մոտակա գյուղի բնակիչները, որոնք չեն կարողանում կանգնեցնել/հետ մղել թշնամու օկուպացիոն զորախմբերին,
▪︎ իշխանությունները ոչինչ չեն անում մեր պետությունը, սահմանները և ժողովրդին պաշտպանելու համար։
Եթե սա հին տեսանյութ է, ուրեմն այն պետք է արագ հերքվի հավաստի, տեսանելի, իրական տեղեկատվությամբ հենց սահմանից, որ հասարակությունը վստահ լինի, որ սահմանը այս պահին ամուր պահվում է, թշնամու ներխուժումը կանգնեցված է և չտրվի թշնամու քարոզչությանը և խուճապի չմատնվի, եթե իհարկե, սահմանն իրոք պահվում է...
Իսկ ընդհանրապես, երբ թշնամին զենքը ձեռքին մտնում է քո տուն, գոռում վրադ ու հայհոյում, ոչ թե պիտի գլուխդ կախ հետ քաշվես ու տունդ տաս թշնամուն, այլ ձեռքիդ տակ եղածը` քար, դանակ, հրազեն, ուղղես թշնամու վրա, գլուխն էլ ջարդես, որ մյուս անգամ տանդ կողմն էլ չհամարձակվի նայել։
❌ ՈւՇԱԴՐՈւԹՅՈւՆ. տեսանյութը հայհոյախառը արտահայտություններ է պարունակում:
