ԱՄՆ-ն պատրաստվում է երկար և ծանր պատերազմի Ռուսաստանի և Չինաստանի հետ․ Global Times
Ռուսաստանի և Չինաստանի հետ ԱՄՆ ռազմական բախումը քննարկվում է ոչ միայն ամերիկյան քաղաքական շրջանակներում, այլև տեղի մամուլում: Հրապարակումների հեղինակները բարձրաձայնում են այս թեմայի շուրջ և խոստովանում, որ իրադարձությունների նման շրջադարձի հետևանքով հավանական է դժվար և ծանր առճակատում, գրում է Global Times-ը:Այսպիսով, The National Interest-ը և Bloomberg-ը նշել են, որ հնարավոր հակամարտությունը «երկար և ծանր» կլինի, եթե Չինաստանը հարձակվի Թայվանի վրա, իսկ Ռուսաստանը կազմակերպի «Բալթյան բլից» և ստուգի ՆԱՏՕ-ի պաշտպանությունը:
Միևնույն ժամանակ, Պենտագոնը հույսը դնում է պատերազմի սկզբնական փուլում հաղթանակի վրա և դրա մասին է խոսում նաև Խաղաղ օվկիանոսի տարածաշրջանում ռազմածովային ուժերի մշտական աշխատանքային խումբ ստեղծելու մտադրությունը:
Նշվում է, որ ամերիկյան ԶԼՄ-ների հրապարակումներում և Սպիտակ տան հայտարարություններում շեշտվում է ԱՄՆ-ի նախապատրաստումը երկարատև առճակատման, եթե ոչ պատերազմի, բայց նման քայլերը մերձեցնում են Ռուսաստանին և Չինաստանին և խորացնում նրանց լիարժեք համագործակցությունը:
