Ֆուտբոլ՝ բաց դարպասների վրա.Ժողովուրդ, պանիկա չնկատեք,տուժել ենք, քանի որ չենք հավատացել,եկեք ամեն դեպքում նախապատրատվենք
«Օր-օրի, ժամ-ժամի դեպքերը զարգանում են, ամեն օր մի նոր սցենարով, նոր ձևի անակնկալ է մատուցվում մեր պետությանն ու պետականությանը»,- ասուլիսում ասաց ԱԺ նախկին պատգամավոր Արագած Ախոյանը:Ըստ նրա, դա այս իշխանության վարած քաղաքականության հետևանքն է:
«Ինչո՞ւ պետք է թշնամին իրեն այդքան լկտի պահի: Ինչո՞ւ, որովհետև դիմացը չկա դիմադրություն, բաց դարպասների վրա ֆուտբոլ է»,- նշեց Ա. Ախոյանը:
Նրա խոսքով, նորից լինելու է ցավալի պատերազմ. «Չեմ կարող ասել՝ ինչքան կտևի, միգուցե կարճաժամկետ, բայց այս ամենը հուշում է այն մասին, որ դա լինելու է Զանգեզուրի միջանցքին հասնելու համար»:
Արագած Ախոյանն ասաց, որ պետք է պատրաստվել այդ պատերազմին, աշխարհազորը պետք է հավաքվի, ջոկատները նախապատրաստվեն:
«Իմ ասածի մեջ, ժողովուրդ, պանիկա չնկատեք: Մենք միշտ տուժել ենք, քանի որ գալիքին չենք նախապատրաստվել, նույնիսկ քաղաքականապես: Ասում եմ՝ եկեք ամեն դեպքում նախապատրատվենք: Տա Աստված չլինի, ուղղակի բոլոր գործողություններն այդ մասին է հուշում»,- ընդգծեց նա։:
Քաղաքական գործչի խոսքով, կա պանթուրքիմզի գաղափար, Հայաստանն այդտեղ շատ փոքրիկ դերակատարություն ունի, մեծ տերությունների միջև աշխարհաքաղաքական խնդիր է, Հայաստանը ոտքի տակ է:
«Մենք լուրջ մարտահրավերի առաջ ենք կանգնած, դրա դիմաց ունենք այսօրվա այսպիսի ապիկար իշխանություն, կարելի է ասել՝ ոչ մի բան են, մեզ թողել են անտեր: Այս երկիրը թողել են անտեր, հարց լուծող չկա»,- ասաց Արագած Ախոյանը:
Խոսելով Սյունիքի համյանքապետերի կալանավորումներից, նա նշեց, որ դա թույլ մարդու վարքագիծ է. «Ում իշխանություն տան, կարող են կալանավորեն, գնդհակահարեն, բայց հենց իշխանությունը վերցնում են, մնում է մոխիր, թշվառ ճիճուներ: Չեք կարող այդ տղաների աչքերը վախեցնել»:
Քաղաքագետ Գեղամ Նազարյանին բերման ենթարկելու դեպքն Ա. Ախոյանը որակեց «դիշովի քայլ, ոչ տղամարդկային»:
«Ասում են՝ գլուխը կպցրեք ասֆալտին, նկարենք, որ տանենք կոկոլն այնտեղ ուրախանա, ծափիկ տան, ասեն բռավո: Այդ ի՞նչ հերոսություն է: Կարծում եք այդպես Գեղամ Նազարյանին նվաստացրի՞ք: Ինքներդ ձեզ եք նվաստացրել: Թուրքից ինչո՞վ եք տարբերվում: Ամոթ»,- ասաց ԱԺ նախկին պատգամավորը:
