Կարո՞ղ է արդյոք գրիպի դեմ պատվաստումն օգնել COVID-19-ի դեմ          Անընդունելի է երկրների կողմից ահաբեկչական կազմավորումների օգտագործումը ռազմաքաղաքական նպատակներով. Փաշինյան       «Հայկական ժամանակ» օրաթերթն այլևս չի տպագրվում. «Հրապարակ»    

22 հուլ 2021 12:43

Երասխից հետո նոր օջախ է լինելու, տեղն էլ գիտեմ, բայց չեմ կարող ասել.Նոյեմբերի 9-ի և հունվարի 11-ի փաստաթղթերի մեջ է շան գլուխը թաղված

«Երասխում կրակում են, որովհետև Ադրբեջանի իշխանությունն այդ հատվածում իրականացնում է սահմանազատման գործընթաց, և երկու շաբաթվա ընթացքում Երասխում սահմանների փոփոխություն կլինի, այսինքն՝ Ադրբեջանն իր խնդիրները կկատարի, միգուցե նաև առանց կրակոցների»: Այս մասին 24 TV-ի եթերում ասել է գեներալ-գնդապետ, ՀՀ ԶՈՒ գլխավոր շտաբի նախկին պետ, նախկին գլխավոր ռազմական տեսուչ Մովսես Հակոբյանը։

Նրա խոսքով, Երասխի լարվածությունը կավարտվի, մեկ ուրիշ տեղ կսկսվի, կմոռանանք նաև Երասխը և այսպես շարունակ։

Հակոբյանի խոսքով՝ Սյունիքում դեռևս մնում են խնդիրներ, որոնք ավելի բարդ են, իսկ հետևանքները շատ ցավոտ են լինելու մեզ համար. «Երասխից հետո նոր օջախ է լինելու, նոր օջախի տեղն էլ գիտեմ, բայց չեմ կարող ասել, որովհետև իշխանությունն ասելու է՝ հակառակորդին ուղղորդում ես։ Առհասարակ, եթե ուզում եք հասկանալ, թե ինչ է կատարվում, որտեղ ու ինչպես է կատարվում, պետք է ուսումնասիրել նոյեմբերի 9-ի և հունվարի 11-ի փաստաթղթերը, շան գլուխն այնտեղ է թաքնված։ Այսօր դրանց իրագործման ականատեսն ենք լինում փուլ առ փուլ»,- ասել է նա։

Մեկնաբանություններ

Համընկնող լուրեր