Ղարաբաղում թուրքական ԱԹՍ-ների հաջողությունն այսօր ամբողջ աշխարհի շուրթերին է. Էրդողան
Թուրքիայի Ազգային պաշտպանության համալսարանում Ռազմածովային և ռազմաօդային ակադեմիայի շրջանավարտների ավարտական միջոցառման ժամանակ Թուրքիայի նախագահ Ռեջեփ Թայիփ Էրդողանը հիշեցրել է Արցախի դեմ սանձազերծված պատերազմում Թուրքիայի և Ադրբեջանի կողմից թուրքական անօդաչու թռչող սարքերի հաջող կիրառումը:«Թուրքական հարվածային անօդաչու թռչող սարքերի հաջող կիրառումը Սիրիայից մինչև Ղարաբաղի հակամարտության բազմաթիվ գոտիներ, ինչպես նաև ահաբեկչության դեմ պայքարում, այսօր ամբողջ աշխարհի շուրթերին է»,- ասել է Թուրքիայի նախագահը, որին մեջբերում է Anadolu-ն:
