Ադրբեջանի կողմից` Թուրքիան և Մեծ Բրիտանիան, իսկ հայկական կողմից` Ֆրանսիան և ԱՄՆ–ն կարող են խանգարել Երևանի և Բաքվի միջև փոխզիջման հասնելուն. փորձագետ          Տեսանյութ.6-ամյա տղան ու 13-ամյա աղջիկը հազվադեպ , անբուժելի հիվանդությունների պատճառով իրենց ծնողներից մեծ են երևում       Մենք հակազդման ծրագրեր կձեռնարկենք,Լուկաշենկոն ՆԱՏՕ-ին մեղադրել է Բելառուսի սահմանների մոտ «լկտիաբար» զորքեր տեղակայելու մեջ    

21 հոկ 2021 11:16

Ռուսաստանում կորոնավիրուսի «Դելտա» մանրէահիմքի AY.4.2 տարբերակի եզակի դեպքեր են հայտնաբերվել

Ռուսաստանում կորոնավիրուսի «Դելտա» մանրէահիմքի AY.4.2 տարբերակի եզակի դեպքեր են հայտնաբերվել: ՌԻԱ Նովոստիի հաղորդմամբ՝ տեղեկությունը հայտնել է Ռոսպոտրեբնադզորի համաճարակաբանության կենտրոնի Մարդու հիվանդությունների ախտորոշման նոր մեթոդների մշակման գիտական խմբի ղեկավար Կամիլ Խաֆիզովը։
Ավելի վաղ Մեծ Բրիտանիայի գիտնականները հայտարարել էին «Դելտա» AY.4 նոր մանրէահիմքի տարածման մասին, որը կարող է 10-15%-ով ավելի վարակիչ լինել, քան արդեն հայտնի տարբերակը: Եթե այս տվյալները հաստատվեն, այն կարող է դառնալ կորոնավիրուսի ամենավարակիչ մուտացիան։
«Այո, «Դելտայի» AY.4.2 տարբերակի եզակի դեպքեր արդեն հայտնաբերվել են Ռուսաստանում։ Դա հայտնի է դարձել SARS-CoV-2 կորոնավիրուսի գենոմների սեկվենավորման արդյունքներից: Որոշ շրջանակներում նոր տարբերակն անվանում են «Դելտա պլյուս», բայց այդ նույն անվանումն ավելի վաղ օգտագործում էր նաև այլ տարբերակի համար, ուստի այժմ որոշակի շփոթություն է առաջացել», - պարզաբանել է Խաֆիզովը։
Նրա խոսքով` AY.4.2 տարբերակը «Դելտայի» բազմաթիվ ճյուղերից է: Թե որքանով է նոր տարբերակն ավելի վարակիչ, առայժմ դժվար է ասել, գիտնականներն ուսումնասիրում են այդ հարցը։
«ՌԴ-ում և աշխարհում դրա լայն տարածման հավանականությունը բավականին մեծ է։ Այս տարբերակը գնալով ավելի է տարածվում, բայց փորձագետները չեն համարում, որ հենց դա է տարբեր երկրներում մեծ թվով վարակվածության պատճառը», - ընդգծել է Խաֆիզովը։
Ռոսպոտրեբնադզորի ներկայացուցիչը չի բացառել, որ «Դելտայի» այս տեսակը կարող է հիվանդության լրացուցիչ աճ առաջացնել։ Նա ընդգծել է, որ դրա դեմ պայքարում կարող է օգնել միայն պատվաստումը, հատկապես այն մարդկանց շրջանում, որոնք Covid-19-ով չեն հիվանդացել:


Մեկնաբանություններ

Համընկնող լուրեր