Տեսանյութ.Ինչպես հաղթահարել ներանձնային կոնֆլիկտը և դառնալ սեփական կյանքի տերը          Տեսանյութ.Հանձնել է այդ չորս գյուղերը և Սյունիքն էլ է հանձնելու. դուք խոսքի, խոստումների համար տալիս եք տարածքի մի մա՞սը       Ամբողջ աշխարհի աչքի առջև ՀՀ-ն վերածվում է ծայրահեղ վտանգավոր ծրագրերի իրականացման գործիքի.Թե ինչու է Երեւանը ձեւացնում, թե չի հասկանում, թե ինչի մասին է խոսքը, մեծ հարց է    

29 նոյ 2021 12:47

Հունվարի 1-ից ռեստորաններ մուտքը կարգելվի առանց պատվաստման վկայականի կամ թեստի արդյունքի

Հունվարի 1-ից Հայաստանում հանրային սննդի վայրերում, մշակութային միջոցառումներին մուտքը լինելու է միայն պատվաստման վկայականի կամ բացասական թեստի արդյունքի ներկայացմամբ։
Այսօր հրավիրված մամուլի ասուլիսի ժամանակ ասաց ՀՀ առողջապահության նախարար Անահիտ Ավանեսյանն` անդրադառնալով առաջիկայում կիրառվող սահմանափակումներին։

Հասկանում ենք, որ այս սահմանափակումները գուցե որոշակի անհարմարություններ են առաջացնում, սակայն նժարի վրա դնելով հանրային առողջապահական հարցերը` կարծում ենք, որ անհրաժեշտ է նման միջոցներ կիրառել»,–ասաց նախարարը։
Նոր սահմանափակումներն արդեն իսկ նախագծի տեսք ունեն և շրջանառվում են։

Առողջապահության նախարարությունը նախատեսում է որոշ սահմանափակումներ կիրառել ՀՀ մուտ գործող այն երկրների քաղաքացիների համար, որտեղ հայտնաբերվել է կորոնավիրուսի նոր` «օմիկրոն» շտամը։ Այս մասին այսօր հրավիրված մամուլի ասուլիսի ժամանակ ասաց ՀՀ առողջապահության նախարար Անահիտ Ավանեսյանը։

Իրականում «օմիկրոն» կորոնավիրուսի նոր շտամի մուտացման աստիճանը բավական մեծ է։ Ցավոք, 50 մուտացիա է կրում վիրուսը, և այժմ ուսումնասիրում են՝ հասկանալու, թե բացի տարածման ակտիվությունից, ուրիշ ինչ առանձնահատկություն ունի այն։ Այսօր միջգերատեսչական հանձնաժողովի նիստ կունենանք և մինչև օրվա վերջ նոր սահմանափակումների կազմը կունենանք ՀՀ եկող այն անձանց նկատմամբ, որտեղ նոր շտամը տարածվել է»,–ասաց նախարարը։

Նրա խոսքով` նախատեսվում է արգելել Հարավաֆրիկյան Հանրապետությունից, Բոտսվանայից, Լեսոտոյից, Նամիբիայից, Զիմբաբվեից, Մոզամբիկից, Մադագասկարից և Տանզանիայից քաղաքացիների մուտքը ՀՀ։
Նախարարը հավելեց, որ Հայաստանում կորոնավիրուսային դեպքերը նվազում են, և առաջիկայում նաև մահվան դեպքերի նվազում կլինի. մահերի նվազումը տեղի է ունենում կորոնավիրուսի դեպքերի նվազման միտումից 2-3 շաբաթ անց։

Մեկնաբանություններ


Համընկնող լուրեր