Ավելի քան 1տրիլիոն դոլար կպահանջվի Ուկրաինայի վերականգնման համար          Հիվանդագին սպասում կա, որ «աշխարհը կդատապարտի ադրբեջանական ագրեսիան, և ամեն ինչ կվերադառնա հայանպաստ հուն», չի լինելու դա       ԿԻնը բուժվել է թոքերի քաղցկեղից ախտորոշումից ընդամենը մի քանի ժամ անց    

22 դեկ 2021 18:14

Հունաստանը ղարաբաղյան երկրորդ պատերազմում չի թաքցրել իր աջակցությունը Հայաստանին.Թուրքերը դժգոհ են հայ-հունական համատեղ զորավարժություններից

Թուրքական իշխանամետ HABER GLOBAL-ը, մեկնաբանելով Հունաստանի, Կիպրոսի և Հայաստանի զորքերի համատեղ վարժանքը, մեղադրել է Հունաստանին և Կիպրոսին Արցախում Ադրբեջանի հետ հակամարտությունում Հայաստանին բացահայտորեն աջակցելու մեջ, ինչպես նաև իր տարածքում հայ զինվորականներին (մասնավորապես՝ հատուկ ուժերին և դիպուկահարներին) մարզելու մեջ։

«Հայաստանի, Հունաստանի և Կիպրոսի բանակները միավորվեցին և համատեղ զորավարժություններ անցկացրին Կիպրոսի հարավում։ Հունաստանը հայ զինվորներին պատրաստում է որպես դիպուկահարների։ Զորավարժությունները տեղի են ունեցել դեկտեմբերի սկզբին հունա-կիպրական հատվածում։

Հունական բանակը հայկական հատուկ ջոկատայիններին պատրաստում է դիպուկահարների և մարտական դպրոցներում. Ղարաբաղյան 2-րդ պատերազմի ժամանակ, որն ավարտվեց Ադրբեջանի հաղթանակով, Հունաստանը չէր թաքցնում իր աջակցությունը Հայաստանին։ Փաստացի, հայկական հատուկ նշանակության ուժերի ստորաբաժանումները վերապատրաստվել են Աթենքի ռազմական ճամբարներում»,- նշում է թուրքական պարբերականը, որը, հավանաբար «մոռացել է» հիշեցնել նաև, որ տասնյակ տարիներ Թուրքիան մարզում և զինում էր ադրբեջանական բանակը, իսկ Արցախյան վերջին պատերազմում Արցախի դեմ անմիջական մասնակցություն էր ունեցել և աջակցել ադրբեջանական զորքերին:

Մեկնաբանություններ


Համընկնող լուրեր