Մեղավոր են մկները.Անգամ եթե բոլոր մարդիկ պատվաստվեն կորոնավիրուսի դեմ, համավարակը, գուցե, չհաջողվի կանգնեցնել
Անգամ եթե բոլոր մարդիկ պատվաստվեն կորոնավիրուսի դեմ, համավարակը, գուցե, չհաջողվի կանգնեցնել։ Դրա մեղավորը կլինեն կորոնավիրուսով վարակված մկները։ Այսպիսի կարծիք է հայտնել կենսաբանական գիտությունների դոկտոր, Ջորջ Մեյսոնի համալսարանի (ԱՄՆ, Վիրջինիա) Համակարգային կենսաբանության դպրոցի պրոֆեսոր Անչա Բարանովան։«Այժմ մարդը կարող է վարակել մկներին։ Եվ հակառակը։ Իսկ դա իրականում վատ նորություն է։ Բնական ռեզերվուարների առկայության պարագայում չի կարելի ասել, թե երբ մենք բոլորին պատվաստենք, վիրուսը կանհետանա»,- ասել է Բարանովան Lenta.ru-ի հարցազրույցում։
Նրա խոսքով՝ մարդիկ չեն կարող լիովին ազատվել մկների պոպուլյացիայից՝ էկոլոգիական պատերազմ սկսելով։ Ուստի անհրաժեշտ է դիտարկել վիրուսի բնական ռեզերվուարները եւ տեսնել, թե ինչ մուտացիաներ կառաջանան կաթնասունների մոտ COVID-19 հիվանդության ժամանակ։ Եթե վիրուսը սկսի աստիճանաբար կորցնել մարդու ռեցեպտորների հետ կապվելու կարողությունը, ապա, հնարավոր է, «ամեն բան այնքան էլ վատ չէ», կարծում է Բարանովան։
