Տեսանյութ.Ալիևը նոր հարձակման է պատրաստվում, սահմանին զորք է կուտակում, զենք է ձեռք բերում ավելի քան 10 երկրից
Բանակի օրը չնշելը ամենամեծ հարվածն է բանակին։ Այս մասին «Փաստինֆո»-ի եթերում ասել է ռազմական փորձագետ Վան Համբարձումյանը։Նրա խոսքով՝ ադրբեջանցի գերիներին հետ վերադարձնելը, մեր գերիների հանդեպ քրեական գործերի հարուցումը ամենամեծ հարվածներն են բանակին։
«Ադրբեջանը այսօր էլ սահմանին զորք է կուտակում, նոր սպառազինություն է ձեռք բերում։ Ի դեպ, զենք է ձեռք բերում ավելի քան տասը երկրից, Ալիևը շատ հստակ նշում է, որ իրենք համալրում են իրենց բանակը և նոր հարձակման են պատրաստվում, եթե ՀՀ-ն չկատարի իրենց պահանջները», ասել է Համբարձումյանը՝ ավելացնելով, որ այդ ընթացքում ՀՀ-ում պարգևավճարներ են բաժանում պետական աշխատողներին։
«Տարբեր տվյալներով պարգեւավճար է բաժանվել մոտ 100 մլն դոլարի, և սա այն դեպքում, երբ ամբողջ ՀՀ-ի օդային տարածքը կարելի էր համապատասխան զինտեխնիկայով փակել այդքան գումարով։
Ես տեսանյութեր ունեմ, որոնք ադրբեջանցիներն են գցել համացանց, որտեղ լրագրողը ադրբեջանական դիրքերից, որոնք արդեն բարձունքում են գտնվում, հանգիստ հետևում է մեր դիրքերի անցուդարձին։ Եվ երբ նայում ես մեր դիրքերի կահավորվածությանը, լացդ գալիս է, և այս պայմաններում ՀՀ իշխանությունները գնում են այսպես կոչված խաղաղության դարաշրջանի բացմա՞ն»,- նշել է բանախոսը։
Նա անդրադարձել է նաև անվտանգային ոլորտին առնչվող մի շարք այլ կարևոր հարցերի։
Մանրամասները՝ տեսանյութում։
