«Ներխուժման նոր ժամկետ կա՝ փետրվարի 20-ը»․ Զախարովան արձագանքել է ամերիկյան Politico-ի հոդվածին
«Ներխուժման նոր ժամկետ կա՝ փետրվարի 20-ը»։ Այս մասին Facebook-ի իր էջում գրել է ՌԴ արտործնախարարության պաշտոնական ներկայացուցիչ Մարիա Զախարովան՝ տեղադրելով Եվրոպայում տեղակայված ամերիկյան Politico պարբերականի հոդվածն այն մասին, որ Ռուսաստանը կարող է Ուկրաինա ներխուժել փետրվարի 20-ին։
«Մենք ունենք ներխուժման նոր ժամկետ՝ փետրվարի 20-ը և դրանից հետո՝ մինչև «Եվրոպայի մայրամուտը»։ Գրում են, որ փետրվարի 16-ն էր նախատեսված, քանի որ այդ օրը կապված է լիալուսնի հետ, իսկ փետրվարի 20-ը՝ Մյունխենի համաժողովի ավարտի հետ։
Մի քիչ նման է Օստրովսկու «Բալզամինովի ամուսնությանը».
«Ասում են՝ ինչ-որ գիսաստղ կամ մոլորակ է գալիս։ Եվ այսպես, գիտնականները մետրոսկոպի միջոցով նայում էին երկնքին և ամեն ինչ հաշվարկում ճշգրիտ թվերով՝ որ օրը և որ ժամին այն կհասնի երկիր»,- գրել է Զախարովան: