Տեսանյութ.70 մլն դրամ` վարչապետի աշխատակազմին նոր մեքենաներ գնելու համար. Այդ որոշումը գաղտնի չէ, ուղղակի չզեկուցվող է
«Գաղտնի չի պահվել, եթե գաղտնի պահվեր, դուք չէիք իմանա այդ մասին»,- այս մասին այսօր լրագրողների հետ զրույցում նշեց Էկոնոմիկայի նախարար Վահան Քերոբյանը՝ անդրադառնալով հարցին, թե ինչուԿառավարության նիստում չզեկուցվեց այն մասին, որ 70 մլն դրամ է հատկացվելու վարչապետի աշխատակազմին՝ 12 նոր մեքենա գնելու համար:«Ուղղակի չզեկուցվեց, որովհետև բնույթով դա տեխնիկական որոշում է: Բնականաբար ժամանակ առ ժամանակ թարմացվում են մեքենաները: Ասել, որ այդտեղ լուրջ բան կար, որ պետք էր զեկուցել, չեմ կարծում, որ իմաստ կա այդպիսի հարցերի համար ժամանակ ծախսել: Այդ որոշումը գաղտնի չէ, ուղղակի չզեկուցվող է»:
