«Վեոլիա ջուր» ընկերությունը մտադիր է բարձրացնել ջրի սակագինը          Եթե Երևանը արձագանքի Անկարայի և Բաքվի կառուցողական նախաձեռնություններին, տարածաշրջանում երկարաժամկետ խաղաղություն և կայունություն կհաստատվի       Բարեկամն էլ, թշնամին էլ թող իմանա, որ Ադրբեջանը երբեք միայնակ չէ, պատերազմում տարած հաղթանակով ստեղծված հարմար պայմաններն օգտագործում ենք խաղաղություն ու կայունություն հաստատելու համար    

26 ապր 2022 12:24

Բաքուն շրջանցում է Լաչինը. արդյո՞ք այդ նախագիծը կապ ունի այն նոր ճանապարհի հետ, որը պետք է անցկացվի ՀՀ-ի և ԼՂ-ի միջև

Eadaily.com-ը գրում է, որ Ադրբեջանի պետական ​​ավտոմոբիլային ճանապարհների գործակալությունը (SAAD) շարունակում է Լաչին քաղաքը շրջանցող նոր ճանապարհի շինարարությունը։ Այդ նոր ճանապարհի երկարությունը 32 կմ է, երկկողմանի ավտոճանապարհի երթևեկելի մասի լայնությունը 7 մետր է, ընդհանուր լայնությունը 12 մետր: Այդ մասին հայտնում են տեղական լրատվամիջոցները՝ վկայակոչելով հանրապետության ճանապարհային վարչությունը։


Ներկայումս ճանապարհի երկայնքով ընթանում են մեծածավալ շինարարական աշխատանքներ։ Նախագծին համապատասխան աշխատանքներ են տարվում ենթաշերտի պատրաստման և արհեստական ​​կառույցների տեղադրման ուղղությամբ։ Շինարարությանը ներգրավվել են անհրաժեշտ ուժեր, որպեսզի աշխատանքներն այս տարի ավարտին հասցվի։


Միևնույն ժամանակ, չի նշվում, թե արդյո՞ք այդ նախագիծը կապ ունի այն նոր ճանապարհի հետ, որը, ըստ Ռուսաստանի, Ադրբեջանի և Հայաստանի ղեկավարների 2020 թվականի նոյեմբերի 9-ի եռակողմ հայտարարության, պետք է անցկացվի Հայաստանի և Լեռնային Ղարաբաղի միջև։


Հիշեցնենք, որ այս համաձայնագրի կետերից մեկը նախատեսում է, որ «առաջիկա երեք տարիների ընթացքում Լաչինի միջանցքի երկայնքով երթևեկության նոր երթուղու կառուցման պլան կսահմանվի, որը կապ կապահովի Լեռնային Ղարաբաղի և Հայաստանի միջև, և կլինի ռուսական խաղաղապահ կոնտինգենտի հետագա վերատեղակայում ​​այդ ճանապարհը պաշտպանելու համար»։ Ամրագրված է նաև «Լաչինի միջանցքով երկու ուղղություններով քաղաքացիների, տրանսպորտային միջոցների և ապրանքների տեղաշարժի անվտանգությունը» երաշխավորելու Ադրբեջանի պարտավորությունը։


Մեկնաբանություններ


Համընկնող լուրեր