Մեր ձեռքերով, մեր ուժով, մեր ոգով.Հայաստանն արդեն սկսել էր մեզ սպառնալ նոր պատերազմով, նրանք ասում էին՝ «Ղարաբաղը Հայաստան է», հիմա էլ ասում են՝ «Ղարաբաղը Ադրբեջան է»
Մենք աջակցում ենք Ուկրաինայի տարածքային ամբողջականությանը, ինչպես մյուս երկրները, և դա բացահայտ հայտարարում ենք՝ ծառի հետևում չենք թաքնվում։ Այո, մենք չենք ժխտում, որ լավ հարաբերություններ ունենք Ռուսաստանի հետ։ Միջազգային իրավունքի սկզբունքները ոչ մի դեպքում չպետք է խեղաթյուրվեն քաղաքական գերակայության պատճառով. ասել է Ադրբեջանի նախագահ Իլհամ Ալիևը։Նա հայտարարել է, որ «միջազգային հանրությունը ընտրովի է վերաբերվել Ադրբեջանին նրա տարածքային ամբողջականության հարցում»։
«Նույնիսկ ուկրաինական իրադարձություններից առաջ միջազգային հանրությունը միշտ շատ բաց ձևով աջակցել է Վրաստանի և Մոլդովայի տարածքային ամբողջականությանը։ Բայց երբ խոսքը հասնում էր մեզ, ուղերձը հետևյալն էր. «Խաղաղության պայմանագիր կնքեք Հայաստանի հետ»։
Բայց ինչպե՞ս կարող ես հաշտություն կնքել ագրեսորի հետ, որը գրավել է քո հողերը։ Մենք 17 տարի փորձել ենք հասնել դրան, և տեսել ենք, որ դա անհնար է։ Հետո տեսանք հետեւյալը՝ որքան փորձում էինք հասնել խաղաղության, այնքան ավելի ագրեսիվ էր դառնում օկուպանտը։ Հայաստանն արդեն սկսել էր մեզ սպառնալ նոր պատերազմով: Նրանք ասում էին՝ «Ղարաբաղը Հայաստան է», հիմա էլ ասում են՝ «Ղարաբաղը Ադրբեջան է»։ Իսկ ո՞վ է ասում։ Նույն մարդիկ, ովքեր 2019 թվականին Ղարաբաղն անվանեցին հայկական. մենք նոր իրողություններ ենք ստեղծել մեր ձեռքերով, մեր ուժով, մեր ոգով»,- ընդգծել է ադրբեջանցի բռնապետը։
