Շատ ֆրանսիացիներ, որոնք փորձում են օգնել ուկրաինացի ընտանիքներին, «հոգնածություն» են զգում
Շատ ֆրանսիացիներ, որոնք հյուրընկալում են ուկրաինացի փախստականներին, սկսում են «հոգնածություն» զգալ երկու ամիս անց, հաղորդում է Le Figaro թերթը: «Շատ ֆրանսիացիներ, որոնք փորձում են օգնել ուկրաինացի ընտանիքներին, ասում են, որ հոգնել են երկարաժամկետ հեռանկարում բարոյական, վարչական և ֆինանսական ներդրումներից», - ասվում է հոդվածում: Ֆրանսիայում շուրջ 70 հազար ուկրաինացիներ այժմ ստանում են ամսական 426 եվրոյի չափով պետական նպաստ։ Բայց այդ միջոցները հաճախ չեն բավարարում նորեկներին, որպեսզի կարողանան իրենց կարիքները հոգալ, իսկ նպաստը ձևակերպելու համար մի քանի շաբաթ է պահանջվում։
Ընդ որում, ֆրանսիացիներն իրենց օգնության համար ոչ մի վճար չեն ստանում։
