Ո՞ր երկիրն է Ռուսաստանի «գաղտնի զենք» համարվում ՆԱՏՕ-ում. Fox News          Մաքսիմ Գալկինը կորցրել է Ռուսաստանում գտնվող բիզնեսը       Ռուբլին երկար տարիների դադարից հետո հատել է 7 դրամի շեմը    

13 մայիս 2022 16:37

Ուկրաինական ճգնաժամի գինը չափազանց բարձր կլինի բոլորի համար. Անկարա

Ուկրաինական ճգնաժամի խաղաղ կարգավորման ձգձգումը զգալիորեն կբարդացնի իրավիճակը։ Այս մասին հայտարարել է Թուրքիայի նախագահի պաշտոնական ներկայացուցիչ Իբրահիմ Քալինը, փոխանցում է ՏԱՍՍ-ը։

Նրա կարծիքով՝ հակամարտությունը կարգավորելու համար գլոբալ ու հզոր կամք է անհրաժեշտ։ «Ուկրաինական ճգնաժամը, չնայած մեր բոլոր ջանքերին, գնալով խորանում է։ Փոխադարձ սխալները, նոր ուժերի հավասարակշռության որոնումը եւ ակնթարթային հաշվարկները երկարաժամկետ հեռանկարում օգուտներ քաղելու համար հղի են լուրջ ռազմավարական կորուստներով»,- ասել է Քալինը Turkiye թերթին տված հարցազրույցում։

Նրա կարծիքով՝ ուժի հիման վրա նոր աշխարհակարգ կառուցելու փորձերը սխալ են ինչպես մարտավարական, այնպես էլ ռազմավարական տեսանկյունից։

«Բոլորի համար գինը չափազանց բարձր կլինի։ Նման օրինակներ մենք տեսել ենք նաեւ անցյալում»,- ասել է Էրդողանի ներկայացուցիչը:
«Անցյալի ողբերգությունների կրկնությունը թույլ չտալու համար մենք վճռական դիվանագիտական ​​ջանքեր ենք գործադրում»,- ասել է Քալինը՝ ուշադրություն հրավիրելով կարգավորման գործընթացում Թուրքիայի նախագահի «պատմական դերի» վրա։ «Սա հեշտ գործընթաց չէ, սակայն մեր նախագահը շարունակում է պնդել, որ խաղաղության ապահովման եւ Ուկրաինայում արյունահեղության դադարեցման համար դիվանագիտական ​​պայքարը պետք է շարունակվի»,- ասել է Էրդողանի ներկայացուցիչը:

Մեկնաբանություններ

Համընկնող լուրեր