Թուրքիան Արցախից օկուպացված տարածքներում երկու ձեռնարկություն է ստեղծում
Թուրքիայի գյուղատնտեսության և անտառային տնտեսության նախարարությունն Արցախից օկուպացված Ջրականի շրջանում ստեղծում է անտառտնտեսության ուսումնական կենտրոն և տնկիներ աճեցնելու ձեռնարկություն։ Այս մասին, ըստ Anadolu-ի, հայտնել է Թուրքիայի գյուղատնտեսության և անտառային տնտեսության փոխնախարար Վեյսալ Թիրյաքին։Թուրք փոխնախարարը նշել է, որ աշխատանքներն ընթանում են արագացված ռեժիմով: «Թուրքիան անհրաժեշտ ջանքեր կգործադրի անտառային տնտեսության ոլորտում Ադրբեջանի հետ տեխնիկական համագործակցությունը զարգացնելու և երկկողմ հարաբերություններն ավելի բարձր մակարդակի հասցնելու համար»,- ասել է նա։
