«Վեոլիա ջուր» ընկերությունը մտադիր է բարձրացնել ջրի սակագինը          Եթե Երևանը արձագանքի Անկարայի և Բաքվի կառուցողական նախաձեռնություններին, տարածաշրջանում երկարաժամկետ խաղաղություն և կայունություն կհաստատվի       Բարեկամն էլ, թշնամին էլ թող իմանա, որ Ադրբեջանը երբեք միայնակ չէ, պատերազմում տարած հաղթանակով ստեղծված հարմար պայմաններն օգտագործում ենք խաղաղություն ու կայունություն հաստատելու համար    

03 հուն 2022 13:03

Նոր ծրագիր. զորացրումից մեկ ամիս առաջ կուսումնասիրվեն զինվորների կարիքները

Հայաստանում հուլիսից Միասնական սոցիալական ծառայությունը զորացրումից մեկ ամիս առաջ կուսումնասիրի զինվորների կարիքները, ինչը կօգնի պետությանը հասկանալ նրանց կարիքները և ըստ անհրաժեշտության իրականացնել, Ազգային ժողովում հայտարարեց ՀՀ աշխատանքի և սոցիալական հարցերի նախարար Նարեկ Մկրտչյանը։

Նախարարն ասաց, թե շատ կարևոր գործընթաց են սկսել ՊՆ-ի հետ:

Նրա խոսքով՝ պարտադիր զինվորական ծառայությունից զորացրվելուց հետո անձինք վերասոցիալականացման գործընթացով պետք է անցնեն և, եթե աշխատանքի հնարավորությունները հստակ չեն, հնարավոր է՝ նրանք մտածեն այլ երկրում աշխատանք գտնելու կամ այլ հնարավորությունների մասին:

«Մենք հիմա մշակել ենք ծրագիր, համաձայն որի՝ պետությունը, այս դեպքում Միասնական սոցիալական ծառայությունը, գնահատում է զինվորների կարիքները զորացրվելուց 1 ամիս առաջ: Երբ ինքը կզորացրվի, պետությունն արդեն կունենա իր մասին տեղեկատվություն, թե ինչ հմտություններ, ինչ կրթություն, ինչ ցանկություններ ունի, օրինակ, գուցե ընդունվել է ինչ-որ համալսարան, սակայն այդ երկու տարվա ընթացքում որոշել է, որ պետք է ծրագրավորող դառնա, և եթե մեկ ամիս շուտ այդ ուսումնասիրած տվյալներն ունենանք մեզ մոտ, ճանաչենք, կհասկանանք, թե 20 տարեկան ակտիվ երիտասարդների համար, որոնք վերադառնում են հասարակություն, տնտեսական ակտիվացման ի՞նչ ծրագրեր կարող ենք իրականացնել», - ասաց նախարարը:

Ըստ նրա՝ որոշները պետական զբաղվածության ծրագրերի շահառու կդառնան, իսկ եթե շատ լինի նրանց թիվը, նախարարը չբացառեց, որ գուցե պահուստային ֆոնդից գումար հատկացնելու և որոշակի ծրագիր իրականացնելու հարց առաջանա:

Մեկնաբանություններ


Համընկնող լուրեր